鄭裕玲激罕夜晚現身商台台慶　Do姐：7點影相啱晒我「河車」

商台昨晚（26日）舉行65周年台慶，出名早瞓的鄭裕玲（Do姐）罕有出席，其後在IG分享多張合照，已加入商台13年的Do姐今日亦開咪提及自己好多年沒有出席商台台慶，並透露今年參與的原因。

Do姐昨晚出席台慶，與節目《口水多過浪花》主持余德丞﹑余迪偉和傑朱（朱穗傑）一同現身，而在全體DJ大合照時，Do姐企正中間，盡顯地位。昨晚商台台慶大搞假髮派對，Do姐評價3位男拍檔的假髮造型。她表示余迪偉最好，余德丞似戴浴帽，又認為淺色髮型不適合余德丞。

Do姐影完大合照後，亦有留低接受傳媒訪問，她表示自己加入商台已經13年，「咁耐都係做《口水》，因為我下午比較得閒啲，同埋我又鍾意講嘢、分享，呢個節目好啱我，同埋拍檔愈來愈順，對住佢哋好開心，我無諗過做電台節目可以做咁耐。」Do姐指出，如今仍有新鮮感，加上透過節目認識不同朋友，望能長做長有。

被問到好友黃子華將在年底有舞台劇，Do姐有否撲飛時，她回應：「如果我要睇都一定睇到嘅，但12月…而家好多jobs ，不過有時間都會去捧場，唔只係子華，仲有嘉玲，有時間一定會去睇。」Do姐表示自己喜歡舞台劇，但長時間排練對她來說是個考驗，但如果遇上喜歡的劇情，都會考慮。

Do姐今日在電台節目《口水多過浪花》補充，好多年沒有出席商台台慶。「實不相瞞，我好鍾意大合照，覺得值得留念。除咗一、二台仝人合照，仲有二台DJ。7點就影相，呢個簡直啱晒我『河車』。最慘就話嗰啲食晒先嚟合照，尋晚7點就影。」余迪偉笑指對方可以繼續9點上床瞓覺，Do姐則笑回還可以煲多一集劇。