（獨媒報導）中秋和國慶長假結束，坊間開始檢討官方舉辦3個「夜繽紛」市集的成效。灣仔區議會主席黃宏泰今早在電台節目表示，香港夜市不再旺必有因由，不能單靠搞夜市救經濟。他又直言搞夜市「一定蝕錢」、「賣魚蛋豬皮，賺到幾多錢吖」，他認為在大時大節設立夜市尚且可行，若希望發展另類模式經濟，「唔係好好嘅算盤」。黃宏泰指，香港依然要靠維港兩岸夜景優勢，做好旅遊配套，他稱「如果你話要慳電，又話夜晚要閂燈，咁就玩完㗎喇。」
黃宏泰今早在港台節目《千禧年代》表示，曾兩次光顧夜市，其中一次太多人「行都行唔到埋去」。整體而言他認為「都OK啦，應付到飲下嘢食下嘢，呢啲基本需要」，若論夜市特色，他反問「臨時搭出嚟，你期望有咩好出色嘅特色帶畀大家呢？行年宵，特色分分鐘多過佢。」
三線城市夜市更勝香港
他又表示遊客來港「唔係嚟試你啲攤檔小食，睇你有啲咩好賣」，因為內地即使二、三線城市的夜市價廉物美，「大膽講，都會好過我哋好多」，「（旅客）唔會千里迢迢嚟參加你夜市」。他認為遊客真的目的，是欣賞維港兩岸景色，若果兩岸夜燈全開，是全世界最值得欣賞的景點，「幾千億都整唔到出嚟」，他指政府做好維岸兩岸的旅遊配套就足夠，「唔好走返轉頭」。
黃宏泰反問「香港咁細，你搞咁多市集，係咪有足夠人流去呢」，他又指香港人口結構已經老化，主要群組是50至60歲，「你期望呢班人因為咁出夜街消費咩？係無可能嘅事」。他表示現時人口結構已與30年前，以「鍾意出夜街」的20至30歲年青人為主不同，「夜晚唔旺一定有理由，不能期望搞夜市可以短期內扭轉形勢」。他指出要吸旅客就要主打兩岸景色，「如果你話要慳電，又話夜晚要閂燈，咁就玩完㗎喇」
稱要鞏固舊路 維港慳電閂燈「玩完㗎喇」
他又指出，夜市的模式只適宜在大時大節短期設立，以提供多一個玩樂地點為目標，但若長期設立，「一定蝕錢㗎喇，一定係賺唔到錢㗎喇，賣魚蛋豬皮，賺到幾多錢吖係咪？」他指政府「使完錢，都要評估效益」，長遠而言，只需要在有規管下容許唱歌表演則可，「唔使咁大型」。
邵家輝指北上「探索」大灣區 民生區消費不升反跌
立法會批發及零售業界議員邵家輝在同一節目則表示，過去長假期對傳統遊客區有利，珠寶黃金等奢侈品生意有雙位數增長，不過在民生區，因為「大灣區融合，好多朋友走上去探索大灣區」，消費「無乜點樣增長，或者有少量微跌」。他又承認內地客消費力相比2018年「無咁鬆手」，相信與疫情及「樓房問題」有關，他預期要等明年第一季或第二季少會逐步恢復。