TVB 90後編劇患癌移英養病 曾想跟男友分手：搵個更健康女仔

由簡淑兒（Jessica）主持的開電視新節目《離鄉別井的故事》昨晚首播，Jessica去到港人移居地熱門地英國諾定咸，找來一位90後前無綫編劇兼YouTuber Heidi分享自己當年工作的甜與苦及自爆因患癌而離港，搞到Jessica眼濕濕。

Heidi曾於無綫擔任編劇7年，曾寫過劇集包括《BB來了》、《寶寶大過天》、《失憶24小時》和《拳王》等， 但數年前發現自己不幸患上癌症及焦慮症， 為了養身就決定聽從男友Chris提議移民英國，更開始其YouTuber事業。Heidi自爆當年做編劇每日上班都不快樂，壓力很大，男友又不支持，最終令她患上癌症及焦慮症，又指當時男友只顧工作搵錢，當自己摸到有硬塊時，亦沒有陪伴她去做身體檢查，而Heidi得知患病時亦不敢告訴家人：「因為Daddy有高血壓，我唔敢刺激佢哋。直到化療要剃光頭，戴假髮呃唔到人，但佢哋唔想我有壓力，都表現到好平常。而Chris真係見到我光頭，先真係覺得我病咗。之後我每一次去醫院打化療針嘅時候都會陪住我。」

Heidi在節目尾聲時透露曾想跟男友分手，認為對方可找個更健康的女生：「佢咁後生，都想佢搵一個更後生更健康嘅女仔。」Jessica聽完都眼濕濕。現時Heidi同男友每月以約7,080港元租住一間3層大屋，享受新生活。