[鵜舞居酒屋‧滋味秋刀魚料理] 🌼🌿✨

又到秋刀魚季，作為秋刀鐵粉，近來都在搜羅身邊有邊間正餐廳，一嘗當造「秋味之王」嘅滋味！🤤

今次我喺朋友推介下，試咗荔枝角日式居酒屋「鵜舞」！首次造訪，真心比呢度嘅東京小巷＋日本漁村風情吸引，各式魚鮮嘅橫額海報、日式燈籠、木系裝潢…勁有feel，唔講以為自己真係出咗國！

至於食物，話明居酒屋就咩都有，連今次我食嘅秋刀魚都有勁多造法，樣樣點啲嚟試，同款食材，食完成餐都唔覺悶！正正子！😍🤤

✦ 秋刀魚刺身 🍴4.5/5

師傅好有心機咁用八枚切咁將秋刀魚刺身切成葉形，好優雅！

先不點醬汁食，不塊係當造食材，咩都唔加都食到秋刀魚肥美甘香嘅肉質！下一件再點少少薑蓉、蔥花或味噌做成嘅醬汁，醬汁提升咗魚肉嘅鮮甜，忍唔住食完一口又一口！

✦ 味噌伴秋刀 🍴3.5/5

用上味淋、清酒、醬油細煮秋刀魚，魚肉充分吸收和風味噌醬汁嘅味道，入口時鮮味更加突出！因為用咗慢煮做法，肉質彈牙同時鬆軟。

✦ 秋刀魚壽司 🍴4.5/5

秋刀魚嘅魚油香，同壽司飯真係絕配！個人超愛鵜舞嘅秋刀魚壽司！簡單喺魚肉上放上薑蓉或蔥花，再配上新潟醋飯，清新開胃。

✦ 秋刀魚釜飯 🍴4/5

小編造訪當晚，好彩正是來自東京六本木「田舍家」嘅山田宗睦總廚上任嘅日子！可以嘗到釜飯專家山田先生做嘅秋刀魚釜飯！😝以新潟米加鰹魚高湯、再配上秋刀魚燒飯！食時將魚肉及米飯伴在一起食，濃郁嘅秋刀魚油香滲進米飯後，每一口飯都好甘香油潤，加上脆薄飯焦，諗起都流口水！🤤

不過美中不足係食釜飯時，仲有少少魚骨未徹底去除，唔識lur骨嘅朋友可能會有點苦惱。

✦ 鹽燒去骨秋刀魚 🍴3.8/5

鹽燒秋刀魚係日本嘅傳統食法，秋刀魚脂特別豐厚，適合原條鹽燒，山田先生將去骨嘅秋刀魚燒至金黃酥脆，吃時加點鮮酸橘汁，以清新酸味配搭微甘魚香，更能細味秋刀魚嘅風味。

✦ 秋刀魚紫蘇天婦羅 🍴3.5/5

秋刀魚加紫蘇葉酥炸製成天婦羅，味道都幾香口！外層鬆脆嘅秋刀魚，保留內層魚油甘香，而紫蘇葉則帶微微薄荷＋辛辣口味，去除油膩感又突顯到魚肉鮮甜，好適合伴清酒食用！

📍店家傳送門： @umai.hk

With：@hkfood_station, @seleneccc

✾分類標籤

#daydayfoodie_restaurant

👆ᴿᵉᵃᵈ ᴹᵒʳᵉ

★－:+:－:+:－:+:－:+:－★

🎡味道：4.5

🎠環境：4

🎪服務：4

🕌CP值：3.5

（*5為最高分）

★－:+:－:+:－:+:－:+:－★

◌ 鵜舞

◌ 荔枝角長義街9號D2 Place一期地下2號舖（荔枝角地鐵出口D2）

★－:+:－:+:－:+:－:+:－★

🎀 記得like埋我，每日放送打卡好去處！📸

http://www.facebook.com/daydaycheckin

http://www.instagram.com/daydaycheckin

💗ᴿᵉᵃᵈ ᴹᵒʳᵉ

https://flowspace.hk