藝人張衞健、黃智雯、周柏豪、鍾嘉欣，今日（4日）出席HOYTV大型新春節目《粵來粵好過大年》為節目綵排。
鍾嘉欣回港過聖誕及新年，先後到越南及泰國旅行12日，與細女一同病倒，老公和大女二仔就冇恙。嘉欣說在泰國落機便發病，病了兩三周，今日有點咳及聲沙仍堅持綵排，演唱兩首歌。嘉欣表示說話多會少許喘氣及辛苦，黃智雯就讚她聲音磁性。智雯就會表演踢躂舞，十幾年前畢業後便沒有再學，是大挑戰，之前練習時大抽筋抽足30分鐘，腳趾變了青蛙腿一樣，手又撞瘀，笑言老公不懂按摩，靠狗仔舔紓緩。
2人2012年合作無綫劇《缺宅男女》，劇中智雯鬧人戲獲觀眾賞識，智雯表示開心在不同平台與舊同事合作，希望與嘉欣將來再合作拍劇，笑言：「到時佢鬧番我啦！」智雯稱嘉欣為「嘉欣BB」，嘉欣被氹得很開心。提到《萬千星輝頒獎典禮》舉行在即，嘉欣未有留意太多，對視后競爭激烈，她覺得「每位都好努力，曾經合作過係朋友，每位都幸酸，好值得攞獎。」提到視后之爭，有智雯的好友胡定欣和姚子羚，她就不肯透露投給哪位。
張衞健好多年沒有在港演出，對上一次是《大帥哥》，已經5、6年，今次是幫舊朋友，時間夾到及就近屋企，笑言：「不講錢，講支票，講笑，畀粉絲見吓我，知我一切安好。」未來工作大計會籌備開演唱會，笑言Big Four並不忙碌，自己一直在港，經常陪媽媽睇醫生覆診，及享受me time，老婆張茜在北京嗜好畫畫，但從來不畫他，因為很難畫。
周柏豪現場與大班小朋友綵排，自從為人父後，看到小朋友便融化。表示以前出街大女會拉着他褲腳，不准他離家，現在輪到3歲的細仔，雖然仔女都錫，但是細仔拉褲腳特別冧，「我係估唔到阿仔咁做，因為阿仔一歲之前，我一直喺大陸工作，返唔到嚟，所以一歲前唔熟我，好慘！」到柏豪返香港時，兒子已經識行路，父子關係再重新建立。他笑言兒子唔鍾意他的同事和公司，䑁得會帶走爸爸，只想爸爸留在家。兒子愛唱歌及表演深得他遺傳，他就最想將來同兒子一起打籃球。現在大部分時間在港，返內地工作不介意頻樸，試過去北京工作都即日來回，新年會放假享家庭樂。透露將會展開另一個巡唱，去更多內地城市演唱，亦會拍劇透露有個不錯的劇本。「好多粉絲話好鍾意我邊套劇嘅角色，但又唔會有續集，係時候要有新作品畀大家睇。」
東網網站 : https://on.cc/東網Facebook專頁 : https://www.facebook.com/onccnews/