廣告(請繼續閱讀本文)
廣告(請繼續閱讀本文)
廣告(請繼續閱讀本文)
台灣型男言承旭因上內地綜藝節目《披荊斬棘的哥哥》人氣急升,他在節目中不時爆喊,一滴男兒淚盡顯真性情。不過言承旭唔係淨係識喊,喺節目嘅一個舉動,更融化出名剛強嘅熱狗,將對方變成「小鳥依人」。
言承旭喺節目中問熱狗:「熱狗哥,你唱英文可以嗎?」熱狗隨即表示自己嘅英文唔太好,但言承旭就話:「如果你唱英文,會帶給觀眾不一樣的感覺!」喺佢誠意拳拳之下,熱狗再冇推卻佢嘅建議,向言承旭表示:「那麼我們一起練(英文)吧!」此時言承旭即時笑晒,更二話不說,將熱狗抱起來個公主抱,更轉咗十幾個圈,雄赳赳嘅熱狗就似女友般深情望住言承旭。
言承旭之後喺社交網分享今次深情一刻嘅照片,並寫道:「重看這段自己都覺得這麼好笑!」唔少網民都話發夢都估唔到熱狗變成小鳥依人,有人更留言:「公開戀情嗎?」非常搞笑,言承旭更因今次公主抱登上熱搜呢!
東網網站 : https://on.cc/東網Facebook專頁 : https://www.facebook.com/onccnews/