廣告（請繼續閱讀本文）
向來喜歡做慈善的女星郭秀雲，今日（13日）率領兒子龐景峰、陳庭欣、七仙羽、羅蘭、蔣麗萍女兒陸慧鈞等出席「象義行」慈善步行啟動禮，以宣揚禁止象牙貿易。郭秀雲攜同領養僅一星期的鸚鵡現身，透露每晚攬實鸚鵡瞓覺，火速與牠建立感情：「老公未慣佢個嘴咁大，其實佢之前唔係咁鍾意鸚鵡，自從1年幾前帶隻鸚鵡去行山，期間佢甩鍊飛咗去山下面棵樹度，當刻老公唔理自己有懼高，飛身去救佢，後來有熱心人士幫老公上番嚟，返到屋企見佢面青口唇白，佢先至話自己原來係可以咁錫隻鸚鵡。」
談到剛領養的鸚鵡，她笑指有一晚打邊爐期間，鸚鵡突然於工人姐姐身邊講Hello，結果工人姐姐被嚇到連湯帶煲飛落地，搞笑非常。
廣告（請繼續閱讀本文）
東網網站 : https://on.cc/東網Facebook專頁 : https://www.facebook.com/onccnews/