廣告（請繼續閱讀本文）
女星Angelababy（Baby）早前連續出席內地多個晚宴活動，其中跟拍拖4年嘅舊愛陳偉霆同台，更與對方前度蔡卓妍（阿Sa）三個世紀同框，一度成為傳媒及網民焦點。
事業家庭兩兼顧嘅Baby，一唔使開工必定抽時間陪伴囝囝小海綿，享受親子樂。日前佢帶同囝囝出外行街被網友野生捕獲，相中見Baby打扮中性，跟平日活動上見到嘅「女神」Look好唔同。佢同囝囝現身商場一個玩具角落，小海綿正物色玩具，而Baby則企喺隔離望住囝囝，任由佢自由玩樂，Baby眼神盡顯溫柔，未有離開過視線，網友大讚佢係廿四孝好媽媽。不過，有網友將重點放喺其身材度，指穿着黑色上衣及牛仔褲嘅Baby，鬆身衫難掩超瘦纖腰，心痛佢為繁忙工作變瘦，叮囑佢要食番多啲嘢。
東網網站 : https://on.cc/東網Facebook專頁 : https://www.facebook.com/onccnews/
廣告（請繼續閱讀本文）