張敬軒首任講師事前做足功課。
張敬軒日前獲聖保羅書院中文科邀請，為中西區十二間中學的聯校講座「似水流年——漫談香港流行曲七十年」擔任講師。雖然入行20年，對這行業有一定程度了解，但他仍為首次當講師做足功課。軒仔說：「今次自己都再去深入研讀咗一啲資料，過程當中又再令到自己有深一層嘅認識，所以今次除咗同大家分享，自己都有好多得着。」
廣告（請繼續閱讀本文）
張敬軒到學校講香港流行曲。
軒仔表示相信每一個10年當中，社會形態、人們的生活，其實都會通過歌詞去記錄當下。作為2000年代的歌手，02年到香港發展時，那個時代算是「台灣幫」的年代，「周杰倫、王力宏、張惠妹等等，粵語歌相對比起90年代係式微，包括我自己『登陸』香港嘅第一隻碟都係國語唱片。」他又大讚的rapper、hip hop artist，「特別過去呢10年入面，我見到喺新一代歌手入面不斷將廣東話以各種形態，包括揉合一啲好美式嘅R&B、hip hop嘅style，係一啲好好嘅嘗試。」
廣告（請繼續閱讀本文）
講座尾聲，軒仔唱出《櫻花樹下》，台下學生頓時起哄，猶如進入演唱會mode。唱完後，全場不停大叫encore，一眾學生又大呼想聽《遇見神》，軒仔為了不讓學生們失望，在沒有預備的情況下，即席唱出《遇見神》，講座最後於一片歡呼聲下圓滿結束。
廣告（請繼續閱讀本文）
尾聲時軒仔給同學仔唱歌。
最後還來個大合照。
