《超能使者》啟播前，官方於社交網發放「深水埗Open姐（劉穎鏇Tiffany飾）」的人物介紹預告片時，角色部份水著造型已率先曝光，並惹起網民關注激讚Tiffany為「最強Body」。萬眾期待的「足本版」明晚（21日）終於有得睇，劇情講述Open姐簽約成為四方娛樂經理人Tina（莊思明飾）旗下藝人，以代言人身份拍攝防曬產品廣告，並以健康沙灘Look上陣。
今日（20日）官方將於社交網發布一條12秒全新相關預告片，並公開三大從未曝光Open姐的廣告畫面！預告片中可見Tiffany擺出的Pose甚有女神風範，豈料監製Jazz大爆Tiffany本身擺甫零天分，拍攝前更要特別找來日本女神深田恭子的寫真給Tiffany惡補。Tiffany笑說：「我覺得深田恭子好靚、係健康嘅Sexy，自己喺屋企試擺佢啲Pose時，我睇見自己都有啲怕醜。」性格保守的Tiffany坦言私下其實甚少性感打扮，故得悉要拍攝水著戲時也有點擔心：「我係缺少啲自信心，擔心各方面都達唔到大家要求。由於拍攝現場幕後人員唔少，初頭點都有啲怕醜，但拍咗大半日之後，加上大家都好保護我，好多動作都Make sure真係唔會走光至叫我做，令我愈拍愈放心。」原來拍攝當日Tiffany一抵埗便落大雨，結果劇組要等足半小時才有工開，Jazz即封Tiffany為「雨神」，並大爆對方幾乎每次開工都落雨，Tiffany聞言「反擊」說：「真係唔關我事，呢個係天氣問題，但我都唔介意大家開玩笑嘅。」
除了角色設計引發熱話，超乎想像的劇情發展亦在網絡引起極大迴響，競猜Final Boss熱潮愈演愈烈。隨着上周黑化淑敏（劉佩玥飾）「下車」後，網民對於誰是真正Final Boss更加牙癢癢。就Final Boss真身尋求Jazz指點迷津，Jazz繼續大賣關子，並將重點轉回超能使者們身上：「今個星期會有超能使者嘅力量出現異變，至於高守嘅隱藏異能亦會好快解鎖，大家應該會覺得驚喜嘅。」而之前消失了的「人渣老公」游國棟（吳家樂飾）將於本周回歸！曾於文偉鴻作品《城寨英雄》及《鐵拳英雄》分別飾演「馮春美」及「路師傅」兩大Big Boss的吳家樂，據知是次回歸是要擄走女兒晴晴（林靖文飾），更會令一眾「超能使者」身陷險境，根據劇情走向，家樂再度「冧莊」成Jazz御用Big Boss可能性甚高。
至於是次飾演黑幫大家姐韋瑞琦的王君馨，由於角色深不可測，在得悉超能使者有異能後又表現鎮定，故真實身份一直成疑，有人猜測她是最後關頭才爆出驚人隱藏超能力的正義使者，亦有人懷疑她是早已掌握眾使者底牌的邪惡軸心。而今日官方曝光的最新宣傳照似乎釋出答案，只見瑞琦一臉「狠」樣兼拿着手槍，似是大開殺界，相信本周其「正邪」身份將漸趨明朗化。而最後一位Big Boss嫌疑人物竟是主角Q姨（唐詩詠飾），線索更暗藏《超能》片頭中。事緣其中一幕詩詠發功精華片段，雙眼通紅的Q姨感覺似是異能失控暴走，令網民覺得「相當有嫌疑」，並期待《超能》再獻震撼彈。