環境好靚之餘，食物質素都好好，坐陣既Sing師傅介紹左最好嘅食材俾我哋😍食完想再食多次🤩
✨前菜
湯葉配海膽，梅酒啫喱，日山和牛春卷
海膽超鮮甜
✨刺身
北海道牡丹蝦
用昆布醃咗8至10個小時，食得出Har嘅鮮味之餘都帶少少昆布嘅鹹味
北海道水八爪足
係平時我哋食到嘅八爪魚去咗層衣，師傅切嘅時候條八爪魚仲郁緊😳 八爪魚刺身上面加咗辣蘿蔔蓉同埋小蔥花，同埋最上面嘅爪既吸盤同入邊嘅柚子醋，酸酸甜甜帶少少辣味，而且八爪魚質感好滑溜好特別。
炙燒金目鯛
燒過嘅金目鯛，下面加咗少少蛋黃醬，半生熟既金目鯛入口比較爽口，食完鮮味環繞成個口腔，超滿足！
北海道新鮮帶子
炸完做吉列帶子，半生熟好彈牙，加上微脆既口感同wasabi 沙律醬，嗆得黎係超級配搭，超鍾意呢個食法😍
醋漬物北寄貝季節料理
北寄貝底下有菊花，青瓜，海帶，都係用醋腌製過，仲有少少梅酒啫喱，冰凍嘅口感更加爽口！
鱸魚配左口魚邊
鱸魚入邊捲着炙燒過既左口魚邊，再加咗少少芽蔥，上面再加咗少少岩鹽同埋柚子碎，未食已經聞到好香好清新～ 鱸魚食落比較煙韌，但加上油份比較高既炙燒左口魚邊，係好特別嘅組合！
✨壽司
赤貝壽司，加咗醬油，wasabi同埋柚子，赤貝好新鮮超爽口。
北海道海膽配深海池魚
深海池魚油份比較重，而且質感比較實在，加上creamy既海膽，一入口首先會食到海膽嘅味道，後面就會慢慢滲出深海池魚嘅味道，一件壽司兩種味道～
A5和牛壽司配鵝肝
用咗呢五日三戶口
大拖羅壽司
上面加咗辣蘿蔔蓉同埋小蔥花
✨鮑魚肝醬飯
慢火蒸澳洲鮑魚，每一隻都超過1kg！鮑魚上面嘅係鮑魚嘅肝加上蛋黃，醬油等等嘅材料整出嚟嘅醬，下邊既飯都會拌左肝醬汁，加埋少少鮑魚粒，驚喜地好味！平時食鮑魚都未食過個肝😆
✨立魚湯
用炒香咗嘅立魚頭煲出嚟嘅湯，呈奶白色而且味道好濃郁重魚味，仲飲得出有少少薑味同胡椒味，好暖身😆入邊仲有舞茸，係日本一種比較名貴嘅菇菌類～
📍 @shiawasehk
🔎更多美食: #foodstop沙田 #foodstop日式
📍地點: 沙田沙田正街18號新城市廣場1期6樓632號舖
▼Follow food_stoppp
Instagram: https://www.instagram.com/food_stoppp/
Facebook: https://www.facebook.com/Foodstopppp/