廣告（請繼續閱讀本文）
資深藝人吳孟達2021年病逝，去世4年，最近竟出現一部網路電影遺作《變體》，該片更以吳孟達為賣點，但網友睇完就發現吳孟達出場時間短得離譜，即怒批「消費故人」！去年《流浪地球2》用合成影像方式令吳孟達「露臉」，冇諗過佢仍有作品尚未面世，電影《變體》於2019年開拍，同樣行科幻風，直到如今吳孟達過世4年，先喺內地影視平台上線，預告主打：「達叔銀幕絕唱之作！AI失控，屠殺將至！博士一念之差致人工智慧覺醒，決戰在即，地球淪為死亡廢土！人類抵抗軍隊長金易（譚耀文飾）、戰神機械姬安心（代斯飾）、AI創世者祝融博士（吳孟達飾）聯手迎戰末日危機！」三人亦一同登上主視覺圖。
惟電影於前日（25日）上線，網友見到吳孟達出場僅1分鐘就身亡，但平台就以佢遺作做最大賣點，稱有種「被騙的感覺」，不滿片方消費前輩，紛紛給予負評。
東網網站 : https://on.cc/東網Facebook專頁 : https://www.facebook.com/onccnews/
廣告（請繼續閱讀本文）