有時上堂老師教拉大字馬時會膝頭內側痛？其實膝頭內側痛有好多原因，其中一個原因係因為X型腳，膝頭內側韌帶長時間被拉長，令到雙腳打開大字馬時，大腿內側未有太大感覺，但膝頭內側已經開始有疼痛感。
▼▼▼完整影片示範▼▼▼
廣告（請繼續閱讀本文）
廣告（請繼續閱讀本文）
除左影片中嘅3招舒緩痛感
想Level up ✨練你嘅大字馬
可以跟埋呢3個練習⬇️
👉🏼 練習盤骨前傾後傾
用腳帶動整個盤骨及脊椎，腳踭壓地拉向身體盤骨前傾，後腰背用挺胸；腳踭壓地推離開身體盤骨後傾，拱背頭垂下；感覺腹股溝位置髂腰肌用力。
廣告（請繼續閱讀本文）
👉🏼 大腿內旋外旋
雙腳打開闊過盤骨，雙腳彎曲呈90度，雙手在背後支撐，大腿左右兩邊擺動，膝頭盡量接近地面，盤骨不要扭動太多，做腳的內旋及外旋，增加髖關節嘅活動度。
👉🏼 用橡筋帶及瑜伽磚練習
橡筋帶在腰後方套住雙腳，雙腳向左右兩邊打開，坐在瑜伽磚上（可自行較高度），慢慢往前往後爬行，往後時要坐回到瑜伽磚，重覆練習慢慢減少瑜伽磚高度。
好多時壓力大或者情緒都會影響到身體變得繃緊，特別在髖關節的位置，當負面能量、情緒與壓力累積，我們的能量無法流通出去，它便會累積在我們的骨盆，慢性造成骨盆周遭的疼痛問題。
希望幫到大家放鬆到個髖關節外，仲練好個大字馬啦！Happy Hip ，大家都快啲試下啦😚
有什麼動作想我講記得𝑪𝒐𝒎𝒎𝒆𝒏𝒕話我知！最重要記得𝑺𝒂𝒗𝒆低留返日後慢慢睇，同記得𝑺𝒉𝒂𝒓𝒆 埋比你啲朋友仔睇😉
撰文：Jacqueline Ho
擁有6年全職瑜伽導師經驗，曾在多間大型連鎖瑜伽及健身中心任教，堅信瑜伽無捷徑，只有練習和經驗。
▼Follow yoginijacque
Instagram: https://www.instagram.com/yoginijacque/
