【容祖兒新碟首唱會】Joey唱完孖阿Sa開after party！

【容祖兒新碟首唱會】闊別五年，容祖兒早前推出全新廣東專輯《薛丁格的貓Schrodinger's Cat》，包裝上大玩視覺錯覺藝術。而為了答謝歌迷支持，祖兒昨晚便舉行網上新碟首唱會！

祖兒表示這個首唱會可以滿足及達成她的心願，「由2018年開始做呢張唱片，其實好多首歌都係我當時心裏面想講嘅嘢。」她又說仍然十分珍惜可以推出實體唱片的機會，「所以喺今次呢張唱片裏面每一首歌都記載咗好多好多我自己心裏面想講嘅嘢，如果你叫我去講好多大條道理，其實真係唔係好識，好多時候都係憑直覺諗到就做，所以我會比較鍾意唱歌，因為唱歌可以抒發我嘅感覺，嚟得比較自在。」她又特別提到《明天見》是2018年為當時一位剛過世的化妝師好友而創作，但因為疫情關係，對象已變成很多個，「因為疫情嘅關係，好多時候都要分隔兩地，同我嘅屋企人、好朋友或者同一啲關係好好嘅同事、我嘅歌迷，都未必能夠好似以前咁成日可以見面，但係我好相信我哋好快可以明天見，亦都好希望再見面嘅時候，我哋可以更好。」首唱會最後除了播出祖兒跟歌迷的互動，更有她為這場首唱會綵排《明天見》片段，只見她邊唱邊哭，場面感動。

首唱會完結後，祖兒繼續大派福利來一個「after party」，立即開IG Live，阿Sa蔡卓妍更為她任客席主持，不過因為沒有化妝，所以只好「見聲唔見樣」留在幕後。雖然身處幕後，只見阿Sa不時為祖兒整理頭髮，又十分留意她上鏡的角度及位置，儼如一位直播的導演，十分稱職。

而被問到碟中最喜歡哪一首歌時，祖兒認為難得五年才推出專輯，只可以選一首喜歡的歌很可惜，「每一首歌都有好多感情喺裏面，每一首歌都好值得去俾心機鍾意，我全部都好鍾意，每一首歌都有唔同意思。但係好多人都鍾意《明天見》，好似我身旁嘅呢一位小姐。」阿Sa即謂：「我又鍾意《煙花紀》，《煙花紀》好索，個MV。」祖兒反駁：「係咩，多謝。頭先你話鍾意《愛你愛我》嘅？」阿Sa解說：「《愛你愛我》都鍾意，係第三鍾意，《心之科學》我都鍾意。」祖兒即場篤爆：「但平時我聽你係唱《東京人壽》㗎喎。」阿Sa隨即拖埋阿嬌落水，「《東京人壽》又係好鍾意，阿嬌都成日自己喺度唱《東京人壽》，佢自己沖涼都唱㗎。」最後二人齊齊合唱《東京人壽》為直播作結。

#容祖兒#薛丁格的貓 #蔡卓妍

#香港製造 #MadeInHongKong #香港人撐香港音樂

#2021新歌 #新歌 #廣東歌 #2021廣東歌

----------------------------------------------

👍🏻 Facebook：https://bit.ly/2HZAgDL

♥️ IG：https://bit.ly/34PhuYx

⭕ YouTube：http://www.youtube.com/c/谷Live

🏆 谷撐音樂流行榜：https://bit.ly/3q6yB0l