聖誕節2021將至，全港多個大大小小的商場、屋苑都換上了聖誕裝飾，唔知大家又覺得有無節日氣氛呢？近日連登討論區有網民發文，指出香港無聖誕氣氛的主因，大批網民睇完之後都表示完全駁唔到！因為呢個原因所有聖誕裝飾都無晒Feel，聖誕氣氛無可能贏到外國，你哋又估唔估到點解呢？
撰文：米娜 ｜來源：LIHKG討論區截圖
網民一個原因解釋點解香港無聖誕氣氛
廣告（請繼續閱讀本文）
聖誕裝飾幾靚都無Feel＋永遠都唔會贏到外國
連登討論區上有網民以「熱到_街係而家香港無聖誕氣氛嘅主要原因～」為題，表示「聖誕燈佈置得再靚都無X用」，現時香港每日的平均溫度都2X度，無論如何將棉花掉落地扮雪都唔會呃到自己，每個人都穿著短袖衫行來行去就穿晒煲，直指天氣炎熱是令香港沒有聖誕氣氛的主要原因。
廣告（請繼續閱讀本文）
樓主再指以前香港的聖誕節較為出色，是因為天氣夠低溫，強調「聖誕氣氛係要凍呀，我要凍呀，我想要凍呀聖誕老人，我想要凍。」從字裡行間完全感受到樓主想凍的願望，但可惜事與願違，香港再凍都唔會凍得去邊。
廣告（請繼續閱讀本文）
大批網民看完帖子後留低過千個正評，而負評只有數十個，相信大家都非常認同樓主的理念，表示駁唔到，笑稱在香港地過聖誕節，「聖誕老人都要除上身」，甚至質疑打扮成聖誕老人的市民「著咁多會唔會生熱痱」，同意香港天氣難頂，「出去食個飯都成身汗」、「公司、巴士仲凍過條街。」、「日本求其一個地方都大勝」，你哋又認唔認同呢？