最新資訊
【風水與設計】睡房注意地方
今集風水與設計同大家講下睡房要注意嘅地方，安床問題，床嘅位置，小朋友床太高，吸唔到地氣亦係問題！今集阿Tim亦會同大家講清講楚！！
今次我就想同大家講下睡房，睡房其實有分主人房或者係普通睡房，咁我講講主人房，因為睡房都基本上係都函蓋咗主人房，呢其實好多地方要注意嘅。
首先呢就係我哋個床，床係點啦?
譬如呢幅圖，見到呢個床頭即係瞓個枕頭嗰位，通常我哋房門入嚟呢大概45度角啦，就係個床頭。
咁你可以見到呢幅圖，大個45度角，但係咁樣瞓都得，個床頭可以咁樣，咁呢個就為止第一個格局。
呢啲係基本嘢嚟，即係明財位，即係對於個搵錢能力會比較好啲順利啲，咁跟住就就係要床頭板個靠山，要床頭板個靠山其實好有心得，呢樣真係好好多學問喺度㗎即係有啲人話，床背即係等於床頭，我要整座櫃，咁得嘅！
但個櫃要有門，即係要有櫃門唔可能係空格櫃，同埋唔好過份深啦，最深都只係600mm，一個衣櫃就600mm，人體工學個膊頭掛到件衫入去。
最深係呢個咋喎，太深唔得架喎！太深你會入面其實仲有空間，就變咗好似你個床頭板係通窿，入面仲有空間未到盡你唔拍貼牆
咁呢點解要有床頭板呢？
即係個靠山，點解要有組櫃呢? 靠山就係對於你就算做生意又好啦，做生意就多貴人！如果你係打工嘅，你就會你個上司會幫你多啲，即係會睇住你喇，咁所以呢一個好有用啦。
跟住呢我就再講床，床當然安床啦！你可以揀，即係譬如我哋做裝修，咁好多時就係話我入伙喎，咁點呀? 其實唔係你搬嗰日，係你安床個日最重要，咁點樣可以知道自己安床個日得唔得呢？
其實你可以你真係迷信少少啦你就會入伙會拜神，其實你做裝修前都要拜四角嘅，無論你係原地翻新啦，跟住或者你係租樓啦或者你新樓啦，你拜四角又好 總之你拜唔拜都好，你去衣紙舖度問，其實本通勝已經解釋咗㗎啦。
咁因為每一個衣紙舖啲姐姐，去教你會唔同方法啦，但係嗰啲全部都吉利嘢！你可以聽嘅真係冇乜問題，因為佢買賣嘅會唔同咁解，通常話咩拜當天呀嗰啲，咁我就唔講呢一個，比較神類嗰樣嘢啦。
我講返係風水啲，你安床嗰日子就係唔使一定要搬入去，如果你話我裝修嘅時候，我就唔到喎嗰個時間咁點呢? 你搵咗個吉日，跟住就同裝修公司講定，幾時要安床之後，真係儀式上乜都做唔到呢，唔使話嗰晚要瞓一晚嘅，即係以前可能又話唔係喎點都要瞓一晚喎，其實我經驗可以唔使啦。
最簡潔就係喺個床褥碌幾吓，就寓意咗。跟住你就可能叫裝修公司繼續整，因為有時我哋成日都會一年裏面呢。
有啲客人會比較唔鍾意可能清明節嗰個月入伙，或者係盂蘭節嗰個月，會咁樣㗎嘛，或者重陽呀。咁你諗下都已經三個月啦，咁你一個裝修隨時疊中，如果你咁迷信咪成日入唔到伙。咁其實古代真係嘅，好多人都會盂蘭節嗰啲月份，我唔做交易呀或者開始裝修都話唔得嘅，會有咁嘅！我唔係質疑佢哋話唔好，只不過係而家我哋已經現實社會，有好多嘢我哋要調節，
所以我今日講畀你聽就係，可以最輕鬆而又過到關嘅嘢。
我講完安床，床嘅位置都講咗，咁床嘅高度！好多時我哋有小朋友，好興咪會話上床下櫃跟住書枱，個櫃係書櫃或者係衣櫃咁樣最慳位喇！
其實係風水上冇咁好，因為嗰個小朋友離地，我哋基本上呢，中國傳統要有床啦即係要，貼地少少㗎嘛。
咁如果你咁離地，你吸唔到個地氣，當然唔係叫你瞓地下，瞓地下都有個濕氣呀，即係都會風濕呀。唔好！
正正常常有舖床，但如果上床下櫃嗰啲嘢，因為通常做得上床嗰個呢，床底係應該離地一米四至一米五，即係1400、1500mm 咁呢個呢係遠超咗玄學嗰個吸地氣個高度！！
吸地氣個高度通常係600mm內，因為我哋一鋪床就500mm最高，點解要500mm?
因為你擺喼，我哋而家香港成日好多嘢要擺，咁一定要儲物，擺個喼落去加埋床褥。床褥有啲人會揀200mm厚，咁已經係700mm 所以我話通常係600mm 你話700mm係冇咁好，但都冇去到話一米四米五咁高，但係都唔使太擔心嘅，呢一個呢只係吸地氣，你冇吸到呢個地氣，太離地。
喺小朋友嚟講唔會太影響 最多影響嘅係啲咩呢? 佢會辛苦少少嘅佢返學 佢會讀書上 但唔係話佢讀唔到書 係辛苦啲 但係因為我哋而家現今社會都好難會就 即係唔係個個咁大間屋 咁大間房㗎 佢又話要整張書枱畀佢做功課 所以呢個唔使太擔心 只不過我係話畀你知啦 如果你係大人你要搵食 就盡量唔好咁 因為你會辛苦 打份工或者你做生意都會辛苦 所以小朋友係冇問題。
嗚謝：
Tim Ho (負責人)
場地：Tim Design Limied
*本文章的內容若未經授權，不得轉載