歐陽震華感動分享回歸感受　 坦言想滅甩Bobby呢個名

無綫與芒果TV聯手打造的音樂節目《聲生不息》，大受觀眾歡迎，最新一集就以「港樂與我共此時」為主題，邀請唔同嘉賓分享回歸感受。而藝人歐陽震華亦有亮相其中，佢話：「見到解放軍嘅車隊駛入香港，就好似個仔流浪咗咁多年，爸爸媽媽終於嚟接我返屋企。」又話自己係中國人，嚟自中國香港。

而喺網上嘅幕後花絮片段，佢就講到：「我想去掉波比（Bobby）這個名字，因為我年紀大，不想要一個小孩名字。另外，我要一個中文名字就夠。叫我華哥華仔，過兩年叫華叔都可以。」佢仲聲稱係節目嘅忠實粉絲，話自己好欣賞周筆暢、單依純、曾比特等人，而老婆就鍾意炎明熹。

東網網站 : https://on.cc/東網Facebook專頁 : https://www.facebook.com/onccnews/