Error成員193出位事件簿 到底係真性情定係太串嘴？網民評價兩極｜網絡熱話

男子天團ERROR成員193及肥仔將於1月14日踏入32歲生日！193作為ERROR的人氣成員，當然有不少代表作，當中必數早前串爆TVB一事，其勇敢直言的性格令他得到眾人激讚！今次為你重溫3爺出位7件事，帶你重新認識193！

Error成員193出位事件簿

1.隔空串爆TVB

最經典之一的一定是193於各大媒體的訪問上串爆TVB，直言TVB「係俾老嘢睇」，又指對家經常用收視掛在口邊其實無用。之後又串爆對家的一個皇牌節目《#後生仔傾吓偈》，指對方「40幾歲都叫後生仔？」，當期時出位的言論令到193的名氣都大增。

2.到TVB門口踩場跳舞

因為「串爆TBB事件」，而令Fans都將193曾經於節目《肥仔大冒險》當中的片段重新搵出來，片段中見到193穿著「登台suit」去到TVB門口，於門口高歌加rap仲要跳埋舞，擺到明就係踩場，不知道志偉是否在最高層看著呢！

3.串爆TVB推「千禧五虎」

早前就有傳出TVB將推出名為「千禧五虎」的新世代組合，其目的是力撼ViuTV的當紅男子組合MIRROR。而聞言的193又再次嘲笑對方，直言：「仲用五虎呢個term咁老土嘅咩？」，又指數量上對不上，無法力撼MIRROR。

4.193波鞋事件

去年8月份，話題球鞋Travis Scott x Fragment x Air Jordan 1推出市面，無論是波鞋發燒友定明星都對此十分注目。而193就出Story直接希望Fans能夠幫手尋到2對US12的鞋款，事後遭到網民炮轟後，他都直接回應指：「好多門外漢真係唔識㗎喎」，相當串嘴。之後他去到Dodo姐《口水多過浪花》節目時都解釋到，自己拍的廣告費都夠買幾十對。（詳情按此）

5.網店LILABOC退款事件

193自設的網店LILABOC，早前就有一名支持他的Fans爆出他與193之間的對話，指193十分串嘴地串爆fans，更令fans最後都無法收到訂購的產品。當Fans去要求退款時，193更是串到話：「燒俾你？」，而他更將這段對話放上IG公審Fans，奈何仲有不少fans認為193冇錯。

6.狠插網民唔識音樂

於《ERROR自肥企画》當中，193就希望有一次做歌的機會，而最後一首名為《睡到三點》的歌曲誕生。不過不少網民就認為該首歌曲難聽，而一向敢言的193又再次出IG Story，直指這類網民都是「保守老土怪」，十分出位！（詳情按此）

到底係真性情定係太串嘴？網民評價兩極

不過並不是個個都能接受193敢言直爽的性格，更有網民狠批193太串嘴，直指他「講嘢唔經大腦」，超級失禮！而一眾老婆就力撐193是真性情，不受眾人影響，「有嗰句講嗰句」，在娛樂圈中可說是非常難得。