根據Fabrizio Romano嘅報導，拜仁慕尼黑翼鋒沙迪奧文尼(Sadio Mane)即將離隊，加盟C朗為首嘅沙特球隊艾納斯(Al Nassr)，轉會費為3700萬歐元，再一球星馬上登陸沙特💰💰💰
沙迪奧文尼上季加盟拜仁慕尼黑，起初文尼角色為拜仁嘅中鋒位置，畢竟前季係紅軍嘅角色亦接近，但比起英超嘅節奏，文尼係拜仁適應需時，更容易掉進越位陷阱，繼而被安排踢左翼位置。然而11月遇上嘅傷患令佢錯過世界盃，並且令佢狀態一沉不起，2月尾復出後雖有再為球隊上陣，但整個下半季只係交出一球兩助攻，同時佢係歐聯八強被曼城淘汰出局後，同隊友發生衝突，更被指控掌摑隊友利萊辛尼(Leroy Sane)，繼而促成今次嘅交易🤝
廣告（請繼續閱讀本文）
狀態下滑加上同隊友發生衝突，新教練杜曹亦努力向哈利簡尼招手，整支球隊都想出售文尼賺取轉會資金，只有文尼一人想留隊力爭位置，重新證明自己🥴不過，正所謂「做人最緊要開心」，離開不受歡迎嘅地方，加盟沙特體驗土豪級嘅享受，賺取天文數字嘅金錢，比起留係歐洲聯賽，賺取金錢幫助家鄉也許更合乎佢嘅人生哲理，因此希望文尼能夠係新球會踢得開心👼🏻
最後正如上述拜仁慕尼黑賺取更多轉會資金，也許真的能夠買下哈利簡尼。另一方面嘅艾納斯上季四大皆空，今季購入文尼、波索域、泰利斯同施高科芬拿等球員，相信艾納斯嘅實力足以爭冠👅
▼Follow 足球港場
Instagram: https://www.instagram.com/footballarena_hk/
廣告（請繼續閱讀本文）