陸浩明孖女友蜜遊意大利　網民估結婚：度蜜月？

陸浩明（6號）和女友陳詩欣（Ayan）拍拖11年，每年兩人生日，兩口子均會出埠慶祝一番；近日Ayan生日，6號悉心安排和女友遠赴意大利甜蜜慶生，並在社交平台分享不少靚相大放閃光彈，羡煞旁人。

6號日前在社交平台分享和女友身處機場的照片，他留言大賣關子：「Ayan Birthday Trip出發啦，今次帶佢去邊呢？」前日，6號上載多張二人在米蘭大教堂前的合照，相中Ayan小鳥依人的和6號十指緊扣，表現得一臉陶醉，兩人又穿上襯到絕的粉紅色情侶裝示人，6號留言：「Hello Milano，今年同Ayan嘅生日Trip開始喇，Day 1係粉紅。」有網民留言問「係咪結婚呀」，但6號只以一個笑到喊的表情符號回應。

之後6號又帶女友乘坐火車往那不勒斯玩，兩人像普通遊客一樣，由抵達火車站開始拍片與網民分享，期間6號更站在火車車頭拍照留念，他留言：「我覺得搭火車幾比內陸機更加方便、舒服，仲要平啲。」有網民留言「求婚啦」、「你哋係咪環遊世界度蜜月呀」。

東網網站 : https://on.cc/東網Facebook專頁 : https://www.facebook.com/onccnews/