44歲的關智斌（Kenny）與與楊天宇（Angus）近日到日本拍攝旅遊節目《孖夫遊記》，二人到福岡玩占卜、豪玩遊布院後，更大騷肌肉浸溫泉，期間還玩爆料。
廣告（請繼續閱讀本文）
兩位爆肌型男浸溫泉前，都瘋狂做掌上壓谷肌。Angus首先俯地狂操，更說：「千祈唔好俾Kenny見到。」不過最後仍被Kenny發現，Kenny亦立即做掌上壓，更笑說Angus有機心，「佢同我講：『我琴日食咗拉麵，我唔操啦，我放棄咗啦。』跟住俾我見到佢靜靜雞做掌上壓。」
廣告（請繼續閱讀本文）
浸溫泉期間，節目組提議兩位「爆肌裸男」來個「你問我答 赤裸剖白」，答不到問題的一方需接受淋冰水懲罰。第一個問題：「你最討厭的藝人？」，Kenny指是阿Sa蔡卓妍，「佢真係射手座嚟㗎，約食飯時，佢係唔會理係邊一group嘅friend，例如佢會叫三十個人一齊出去食飯，而嗰啲人大家都唔識大家，所以有陣時出到嚟嗰個環境係幾尷尬。」
Angus則指最討厭是周家怡，「我同周家怡拍《裡應外合》時，成日傾偈，佢係好靈性，佢可以放好多能量俾大家，佢嘅正能量滿到我有啲毛管戙。」
廣告（請繼續閱讀本文）
Kenny 更被迫供問身家，他回答：「我就係多過六位數、少過八位數。」但Angus立即篤爆指從老闆楊受成口中得知Kenny的秘密：「嗰日我聽老闆講話你有七層樓喎，嗰度起碼都有九位數啦！」Kenny苦笑：「老闆嗰度啲消息有滯後㗎……」隨後立即反問Angus，Angus表示多過六位，少過七位。Kenny笑指Angus身家少於自己，所以要淋冰水，最後Angus自淋，笑爆Kenny。