【打風勞工處指引】港人近年已習慣 WFH，今次颱風摩羯來襲，令到大眾心中萌生一個疑問，到底打風期間僱主可唔可以要求員工開工？近年許多僱主都容許員工 Work From Home，於是衍生另一個問題，打風期間，是否要繼續 WFH？即睇勞工處指引可能找到端倪。
廣告（請繼續閱讀本文）
勞工處《颱風及暴雨警告下工作守則》主要針對僱員上班的安全問題作出指引，當中第 2 章便有提到「居家工作」的部份，指「容許返回工作崗位有困難的僱員居家工作，或有較寬裕的上班和復工時間。」
換言之在勞工處的指引之下，「居家工作」已是應對颱風的酌情安排；不過以往都少有僱主要求員工在颱風期間在家工作，疫情後先例一開，可能將會成為「新常規」了。
廣告（請繼續閱讀本文）
如果11 點落波，幾點要返到公司？
到底 8 號風球除下之後，僱員又要幾點返回公司開工？大家亦可從勞工處指引中找到答案。
勞工處《颱風及暴雨警告下工作守則》的第 2 章寫明「如 8 號颱風警告、黑色暴雨警告或「極端情況」取消的時間距離工作時間結束不足 3 小時，容許僱員毋須復工」。
根據勞工處指引，除非風球除下時間距離下班時間不足 3 小時，否則僱員在安全情況之下，就要於落波後 3 小時內現身；即係 11 點落波，就要兩點之前返到公司，如果解釋理由不充份，分分鐘會被扣人工㗎！
廣告（請繼續閱讀本文）
不過守則亦提到最重要都係僱主與僱員溝通，僱員安全係最重要考慮因素。如果公司可以彈性處理上班，你呢一刻依然留喺屋企安心準備開工，咁就要恭喜你，你有一個好老闆啊！
Kay Lee 雖然睇下面啲留言好有道理，但更讓我相信留言板已經被操控了
2021年10月13日00:41
Philip P. H. Wong 所以最好揀份工喺屋企冇得翻, 咁就冇藉口啦, 亦都唔使留喺office ot
2021年10月13日03:02
KazS 11點落2點前要返到公司的話，中間的lunch time又點計呢？
2021年10月13日02:53
Paco 唔知點解打風嘅時候屋企network好唔穩定😏
2024年09月05日06:14
NIEL™ 容許返回工作崗位有困難的僱員居家工作，咁都應該落咗波之後先返回工作崗位啦
2021年10月13日08:09
顯示全部