TVB 90年代後期正值電視業的黃金時期，套套電視劇都可謂經典，絕對陪伴住你我成長，而當時TVB也大量盛產當紅花旦，隨口一數都有蔡少芬、宣萱、陳慧珊、郭可盈、張可頤、佘詩曼和黎姿，有的嫁人歸隱，有的則仍活躍幕前，唔知喺樣貌方面邊會Keep到最好呢？
TVB七大花旦近況1. 蔡少芬
蔡少芬於1991年以17歲之齡參加香港小姐競選，以大熱姿態獲得季軍並與TVB簽約，98年憑藉《天地豪情》成為最年輕的TVB視后，其後演出多部膾炙人口的電視劇，成為TVB當家花旦，主要代表作包括《天地豪情》《洛神》《陀槍師姐》《妙手仁心》《棟篤神探》《火舞黃沙》《珠光寶氣》《飛女正傳》《金枝欲孽2》……相信總有一套大家必定會睇過。
當年蔡少芬可謂靚絕TVB，佢喺《洛神》入面甄宓絲巾遮面，成為了經典中的經典。
Ada戲路其實都相當廣，除了演認真古裝劇之外，也有跟棟篤之神黃子華合演喜劇《棟篤神探》，搞笑演出絕對深入民心。
千禧年上咗神檯之後，就開始淡出幕前演出，原來去咗嫁俾張晉，當時張晉都未有而家咁紅，所以嗰陣被好多傳媒指男女雙方門不當戶不對，但時間證明咗Ada冇揀錯人，張晉而家紅遍亞洲。
蔡少芬的劇集產量自此貴精不貴多，2011年大熱宮廷劇《甄嬛傳》飾演皇后都算係佢北上發展後最爆嘅代表作。
Ada可算係事業愛情兩得意，事業已經係中港兩地嘅一線花旦，愛情又有個好老公張晉，近排仲開心誕下第三胎兒子張樂兒。成為三孩之母嘅Ada，素顏之下皮膚明顯keep得白滑，不過做母親確實辛苦，所以眼袋點都冇得避。喂，不過咁，Ada今年46歲喇，真係算keep得好好喇！
TVB七大花旦近況2. 宣萱
1992年，宣萱因接拍某品牌朱古力廣告而被TVB發掘，隨後成為旗下合約藝人，僅僅演了幾部電視劇之後，便於95年憑藉著《壹號皇庭IV》嶄露頭角，隨後主演的《難兄難弟》、《天地豪情》、《寵物情緣》、《刑事偵緝檔案IV》、《尋秦記》等多部高收視劇集，更是順利把她推向了TVB當家花旦地位。1999年，宣萱憑《刑事偵緝檔案IV》中的「武俏君」一角勇奪《萬千星輝頒獎典禮1999》「最佳女主角」一奬，成為視后。
宣萱當年武俏君嘅角色都係令觀眾難以忘懷，剛柔並重嘅佢，同古天樂一段感情睇到人眼濕濕。
宣萱劇集造型相當豐富，尤其以民初look演出《難兄難弟》嘅蕭芳芳，相當嬌俏。
《尋秦記》又再同古天樂合作，古裝造型相當吸睛，又係另一經典。
因為喺TVB同古天樂合作嘅幾套劇集，令觀眾封佢兩個為最佳營幕情侶，近年古天樂開拍電影版《尋秦記》，搵返宣萱再度合作，絕對令睇《尋秦記》大嘅觀眾引頸以待，仲話好希望兩位黃金盛男、盛女可以拉埋天窗。
宣萱今年49歲，睇佢近來同愛犬嘅自拍照，薄施妝粉，都見到皮膚沒甚瑕疵，又一凍齡最佳例子。
TVB七大花旦近況3. 陳慧珊
陳慧珊1990年代末至2000年代初TVB迅速走紅的女星，曾主演了多套廣受歡迎的電視劇，如《鑑證實錄》《妙手仁心》《先生貴性》《絕世好爸》《衝上雲霄》等，擅長飾演專業人士。
《先生貴性》同羅家良合演調亂性別，真係每一場戲都記憶猶新。
當年，陳慧珊憑《絕世好爸》榮獲《萬千星輝賀台慶2002》的「本年度我最喜愛的女主角」及「本年度我最喜愛的電視角色」，以出道5年之齡，就成為「雙料視后」。
2003年度再憑代表作《衝上雲霄》中阿Belle一角，令她成為首屆「大馬雙料視后」，連同其主唱的《衝上雲霄》片尾曲《我不愛你》，為陳慧珊的演藝事業推上最高峯。
不過自從2006年嫁人並誕下女兒之後便大幅減產，鮮於幕前亮相。直至近期陳慧珊又在活躍娛樂圈再，首次擔任監製和主持教育節目《放學後》，又罕有地一家三口齊齊亮相Viu TV的綜藝節目《婚姻五重奏》。
陳慧珊透露拍攝《放學後》時，同胡杏兒和宣萱飛到英國拍攝時，杏兒仲懷著第二胎，Flora曾公開表示感激。
兩個同為49歲嘅Flora和宣萱企埋一齊完全無差別，凍齡功夫做得相當好。
佢同林保怡近年嘅合照，雖然Flora塊面圓潤不少，但比起過份瘦削，反而有種幸福感。
TVB七大花旦近況4. 郭可盈
郭可盈1993年參選港姐入行，雖然當年三甲不入，但佢喺TVB演藝之路都行得好順暢，代表作包括元《刑事偵緝檔案》系列、《創世紀》系列、《青出於藍》、《心花放》、《酒店風雲》、《十兄弟》等等。
當年《刑事偵緝檔案》Jessie一角，編輯真心覺得好靚。
之後《心花放》、《青出於藍》都係郭可盈非常深入民心嘅代表作。
不過最深刻一定非2007年與林文龍情侶檔演《十兄弟》。
雖然郭可盈喺現實與林文龍結為夫婦，但係喺TVB裡面則與陶大宇扮演夫婦次數最多。
郭可盈自從2010年誕下愛女Tania之後，基本上都已經絕跡幕前，專心打理家族生意和湊女。
睇返郭可盈嘅近照，不論樣貌和身材都keep得相當正斗，完全睇唔出佢今年原來已經50歲！！！
TVB七大花旦近況5. 張可頤
張可頤1994年參加香港小姐競選，獲得最具演藝潛質獎後加入TVB。1998年憑藉《難兄難弟》程寶珠一角，奪得萬千星輝頒獎典禮20世紀無線五大最難忘女主角之一。
2003年憑藉《九五至尊》呂四娘一角，獲得萬千星輝頒獎典禮最佳女主角獎，成為視后。
2012年約滿TVB後轉投香港電視網絡，入職港視後獲老闆王維基封為「一姐」及「鎮台之寶」之美譽，演出《來生不做香港人》，可惜香港電視開台不成，終於2013年12月約滿後回復自由身。
當年喺TVB幾大花旦出演嘅《金枝慾孽》入面，張可頤同佘詩曼嘅對手戲真係睇到人咬緊牙關！
今年50歲嘅張可頤近年養尊處優，不算多產，只接拍自己喜歡的工作， 舞台劇、電影、電視、劇集、綜藝樣樣都有掂吓。早排佢演出嘅舞台劇《但願人長久》，見到佢留咗個齊陰，上埋妝，依然感覺年輕。
阿佘2006年憑《鳳凰四重奏》奪得萬千星輝頒獎典禮「最佳女主角」和「我最喜愛的電視女角色」，成為首位TVB同時獲得雙項獎項嘅雙料視后。
2007年阿佘再憑《火舞黃沙》提名第三十五屆國際艾美獎最佳女主角獎，名氣衝出國際！
阿佘嘅演技備受肯定，2018年演出內地劇《延禧攻略》爆紅中港兩地，奠定阿佘一線花旦地位，上哂神檯。
今年44歲嘅阿佘，依然keep到美貌，皮膚滑溜，自拍嚴如少女，相信絕對下過不少苦功。
TVB七大花旦近況7. 黎姿
黎姿1985年14歲便踏入電影圈，主要憑《古惑仔》系列細細粒一角走紅。1999年重返TVB所拍攝的劇集如《新楚留香》、《黑夜彩虹》及《水滸無間道》都大受好評，當中劇集《黑夜彩虹》與蔡少芬合作，首次飾演反派林艾美，出色演技備受觀眾好評。
黎姿在TVB的全盛時期，必定是2004年憑劇集《金枝慾孽》中玉瑩小主一角於《萬千星輝賀台慶2004》獲頒「本年度我最喜愛的女主角」，獎項更由姑媽黎宣親自為她頒獎，是黎姿出道18年來首次獲頒的獎項，亦成為多年出道以來被人認同的一年，奠定其視壇地位。
2008年，黎姿以照顧弟弟為由暫停拍劇，並主要幫打理弟弟打理美容生意，以及只接代言活動與慈善活動。2009更公開宣布嫁予商人馬廷強，開始名媛闊太生活，更改名黎珈而。
可能因為是美容生意的生招牌，黎姿更要將自己外表打扮得更得體，今年48歲嘅佢，皮膚滑溜到完全同20歲時嘅佢有得比，而家仲多咗份貴氣。
睇哂TVB前花旦，你話係咪個個都keep得好？編輯就話，係！係個個都keep得勁好！真心要搵佢地傳授凍齡秘訣囉~
**Follow us on:
- Facebook: CosmoHK
- Instagram: @cosmopolitan_hk
- YouTube: CosmopolitanHK**