情人節嚟啦～如果另一半鍾意食士多啤梨，又對抹茶情有獨鍾，咁就要留意台灣便利店 Family Mart 同 甜酒品牌 Baileys 合作推出嘅兩款新飲品——《Baileys草莓奶酒抹茶》同《Baileys草莓奶酒冰沙》！
上年爆紅嘅「Baileys草莓奶酒」，當時喺台灣好市多Costco一上市就造成搶購熱潮，唔少香港嘅士多啤梨控都搵代購入手～唔好以為佢嘅熱潮已過，因為2月 Baileys 同 Family Mart 合作，推出兩款限定飲品，一冷一熱嘅飲品選擇，適合最近冷熱不定嘅天氣。
首先介紹嘅係無論係 Baileys 奶酒控抑或係抹茶控都會愛上嘅「Baileys草莓奶酒抹茶」，粉嫩杯身中加入抹茶粉，再加入熱水，最後可選擇由店員或自己加入50ml嘅迷你杯 Baileys 草莓奶酒，攪拌均勻即可慢慢享用。
「Baileys草莓奶酒抹茶」聞起嚟帶有草莓香甜氣息，飲落更會感覺到濃郁抹茶風味，尾韻則感受到Baileys奶酒酒香。香甜幼滑嘅味道，就算唔鍾意酒味嘅人都可以輕易入口。
另一款「Baileys草莓奶酒冰沙」，Family Mart會將草莓奶酒冰沙置擺喺店內雪櫃，客人可自行拿取再到櫃台請店員加入鮮奶，冰沙本身含有草莓果醬、草莓奶酒冰沙、牛奶冰沙同草莓乾果，讓冰沙呈現粉嫩漸層～呢款飲品嘅奶酒含量相較於抹茶熱飲更少，只有4.2克（小於0.5%），係唔敢飲太多酒嘅人嘗試嘅入門款，飲落清涼，亦可以飲到草莓嘅香甜同濃郁奶香，絕對係一款少女心爆炸嘅打卡飲品！
Baileys 亦特別選中位於東區嘅「Family Mart 明曜店」，於2 月 12 日至 3 月 12 日，化身「Baileys草莓奶酒快閃店」，喺店舖外打造為期一個月嘅草莓奶酒打卡場景，店面貼上特飲同草莓點綴，更設有巨型造型杯比大家化身杯緣子，影出創意嘅打卡相！
如果喺呢間門市一次過買晒呢兩款限定飲品，仲可以參加抽獎～幸運兒可以獲得 Baileys 與 日本彩妝品牌 Kate 聯名嘅草莓、抹茶4色眼影盤，限量120套！
《Baileys草莓奶酒抹茶》原價 99 台幣，期間限定（2月12至2月25日）優惠價 79 台幣（～HKD$20）；《Baileys草莓奶酒冰沙》售價 60 台幣（～HKD$16），售完即止。 同時，《Baileys拿鐵特調 》與 《Baileys櫻桃奶酒巧克力 》亦可於Family Mart購入 ，原價 99 台幣，期間限定優惠價 79 台幣（～HKD$20），詳細活動內容以店內公告為主。
另外，2月12日起至14日，連續三天，用Family Mart app進行商品預售，就可以用優惠價100台幣買到兩杯Baileys草莓奶酒冰沙，每日限量5000組，活動期間每人限購兩杯。
Baileys 草莓奶酒快閃店
時間：2020 年 2 月 12 日至 3 月 12 日
地址：台北市大安區仁愛路四段 151 巷 34-36 號
《Baileys草莓奶酒抹茶》、《Baileys草莓奶酒冰沙》
售賣點：台灣FamilyMart
推出日期：2020年2月12日 - 2月25日
＊禁止酒駕，酒後不開車，安全有保障；未滿十八歲者，禁止飲酒