【衝破讀寫障礙】考獲健身教練牌 劉浩龍：叫聲阿Sir啦

劉浩龍（師兄）去年為個唱努力操肌，身形獲得外界不少讚賞，想不到他操出癮來，日前成功考獲健身教練牌，今日在社交網興奮曬證書。

劉浩龍開心留言：「哈哈哈 我終於考試合格啦 由細到大都真係唔係咁鍾意讀書 考試就更加成績麻麻哋啦 四個月前決定參加呢個健身教練課程 本來呢個課程為期三個月 基於時間嘅問題，我唔可以定期上課 所以我選擇咗自修 呢間學校就寄晒所有佢哋呢三個月嘅教學書籍俾（畀）我 我一見到頭都暈埋，因為我真係有讀寫障礙！睇書對我來講真係有好大嘅壓力。 但係我同自己講唔可以好似讀書嗰時咁樣，點樣有障礙都好，都要努力嘗試一次。 所以我用咗好多個晚上一行一行慢慢睇，然後用咗好長嘅時間慢慢做好份考試題目，希望真係努力讀書考試合格一次。 YEAHHHH….我考試合格啦！ 咁多位朋友叫聲阿Sir啦」

（即時娛樂）