DJ聲音，陪伴港人
香港電台、香港商業電台，佢哋電台DJ親切動人嘅聲音，陪伴咗無數香港人經歷人生各個階段。細細個起身返學，就已經聽到屋企人播緊在「在睛朗的一天出發」，當堂醒神哂。大個咗，經歷咗公開試嘅洗禮，無論係順利咁步入大學殿堂，抑或成為社會返工仔女嘅一分子，係返學返工，放學放工，等待火車地鐵巴士電車嘅之間，我哋依然都會聆聽住DJ為香港上播放嘅音樂，接受佢哋講緊香港社會人生百態嘅評論，令我哋可以係忙碌之中取得一絲溫暖，係日常煩惱入面可以回心微笑。今日，就等DailyView同大家細數，港台商台嘅二十DJ，畀大家更了解呢群為香港默默付出嘅朋友。
DV小教室：網路溫度計透過《KEYPO大數據關鍵引擎》，觀測、爬梳港澳地區近萬個網站、頻道，其中包括新聞頻道、各大討論區、FB、IG以及Blog，從中取得資料樣本數，並以AI語意程式作數據分析。「網路熱度」為主題項目相關的網路posts和comments ，數值愈大代表主題項目的討論度愈高。
image source:
image source:
19. 江慧楓（261筆）
——聽楓的歌
開朗嘅笑聲，真誠嘅話語，相信係每一個《聽楓的歌》聽眾嘅共同感受。香港商業電台新世代DJ江慧楓，喺2015年加入至今，佢主持《聽楓的歌》、《一切從音樂開始》，呢兩個節目都係以音樂為主。喺節目當中，江慧楓會因應香港社會現況，配上最為貼近港人心情嘅歌曲，聽吓佢用心設計嘅歌單，相信一定撫慰咗唔少香港人嘅不安同焦慮。江慧楓除咗主持音樂節目，佢都有搞網路節目《入台正》，講台灣各種特別之處，搞笑輕鬆。咁正能量，難怪有連登巴打「心靈作家」日日推Post撐佢喇！
image source:
14. 少爺占（432筆）
——Ivan→Jimmy→Jim
少爺占，本名甄子康，而家大家都知佢係知名香港搞笑組合I Love You Boyz嘅成員，搞笑風格大受香港人歡迎。不過，你又知唔知佢喺大學讀過設計？佢讀到Year2，喺1997年參加商業二台叱咤903「捲入漩渦」唱片騎師招募計劃，之後入咗商業二台做全職唱片騎師。即係佢大學有一半時間都係半工讀，真係細細個已經確立志向，相當犀利。佢嘅才情，充分咁發揮喺佢創作嘅廣播劇，寫得又演得，難怪多次成為𣈱銷作家喇。佢而家仲主持緊同參與緊多個節目同廣播劇，真心有才華。
image source:
11. 謝茜嘉（490筆）
——香港旅遊達人
講起謝茜嘉，「嘉姐」，好多人都知佢係香港旅遊達人嘅始祖！謝茜嘉早喺2013年，已經喺台灣同友人夾份開咗間民宿，認真有先見之明。佢同時係商業電台叱咤903節目主持人，亦身兼叱咤903總監一職。而佢最為廣受人知嘅句子，就係佢嘅口頭禪「真係㗎」、「點解嘅」，甚至開埋港女潮語之先。佢走得咁前，主持商台旅遊節目《西加航空》，介紹各地景點，識飲識食，緊係好受歡迎喇。謝小姐搞嘅同名App「西加航空」，2013年至今都備受關注，難怪咁多人聽佢講點去玩喇。
image source:
10. Donald（597筆）
——笛子魔童明黎
Donald，當奴，本名唐劍康，港韓混血兒，知名香港搞笑組合I Love You Boyz嘅成員。當奴早期喺商台做助理，之後又做過娛樂記者，捱咗一段時間終於可以開咪做主持。佢同另一位拍檔拍咗個叫I Love You Boyz嘅廣播劇，專門諷刺娛樂圈時弊，大受香港人歡迎。商台有見及此，緊係即刻安排佢哋組成一個同名嘅組合喇，正式開始佢哋嘅光輝DJ生涯！當奴曾經主持過電台節目真係數之不盡，單係而家仲主持緊嘅都有五個，呢位咁專業專職嘅電台DJ，已經係香港嘅金牌DJ。
image source:
9. 曾志豪（598筆）
——同城市一齊呼吸
曾志豪，香港人對佢一定好熟悉，因為佢喺香港電台嘅《頭條新聞》入面，同拍檔吳志森一齊演出多年，嘻笑怒罵嘅風格，深受廣大網民歡迎，仲成日俾人喺網路上討論，話佢哋一針見血，成為熱門話題。不過呢，唔知大家又有冇留意曾志豪其他方面嘅工作呢？原來佢仲係作家、DJ，唔止我哋平時見到嘅「小豪子」嘅簡單。佢喺香港電台主持《瘋show快活人》、《中女宅男殺很大》，前者係以休閒為主，後者則係以探討單身男女情況嘅節目，兩者都有大量嘅Fans支持，真係唔簡單！
image source:
6. 鄭裕玲（633筆）
——口水多過浪花
鄭裕玲，人稱DODO姐，又叫DIDDID姐，係相當資深嘅金牌司儀、演員、節目主持人、配音員，仲俾人叫做無綫電視四大「鎮台之寶」之一，係香港史上首位及至今唯一集影后、視后於一身嘅女藝員。近年鄭裕玲畀後生一輩更多機會，減少咗前台嘅工作，放咗更多時間落電台DJ方面。其中，最出名嘅就係佢喺商業電台主持《口水多過浪花》，而節目2012至2016年，DODO姐同Donald、阿占合作，佢哋三個好有默契，互通不足，好多聽眾都因為佢哋三個日日都聽，話佢哋係最佳電台組合。
image source:
5. 林海峰（805筆）
——軟硬天師
林海峰，相當多才多藝，佢既係流行組合「軟硬天師」嘅歌手，又係演員、金牌司儀，風格幽默搞鬼，亦都係香港棟篤笑表演嘅代表人物之一。林生除咗幕前演出，都仲有好多後台嘅工作，其中最受歡迎嘅，一定要數佢喺香港商業電台二台《在晴朗的一天出發》主持。林生嘅「嬉笑怒罵，與時並咀」，形式相當商台一台嘅風格輕鬆，好啱精神緊繃嘅香港人，可以喺忙碌之間笑吓，等自己可以得閒休息吓。林海峰一向有急才，又幽默，緊係要受廣大網民歡迎，日日朝早都係等緊聽佢吹水咋！
image source:
4. 陳志雲（993筆）
——志雲大師
香港資深傳媒工作者陳志雲，香港人對佢個名，相信都唔會陌生。佢喺TVB曾經做過清談節目《志雲飯局》，一做就由2006年做到2010年，請嚟嘅真係粒粒巨星，陳寶珠、狄娜、呂良偉等等，係節目入面充分見到陳志雲嘅口才。2013年，佢喺商台一台嘅《在晴朗的一天出發》做主持，為香港人發聲，對香港社會嘅現況，都有好多公正、有見解嘅評論。黎智英曾經咁形容陳志雲：「他已將人生苦樂得失想通看透⋯⋯直是個得道的和尚，叫他『志雲大師』是沒有錯的。」呢樣，正係香港人聽佢講嘢嘅原因。
image source:
2. 陶傑（4349筆）
——決戰光明頂
「香江第一才子」之稱嘅陶傑，唔止支筆寫得，口才都相當好，喺1995年開始已經喺香港電台主持節目，2003年就轉去商台，其中佢主持嘅「光明頂」，可謂全港最為知名嘅文化電台節目。《光明頂》咁受歡迎，緊係因為陶傑嘅人格魅力，深得港人之心。香港人最鍾意睇咩？三個字，抽水。陶傑主持節目嘅風格，抽水、曲到圓，幽默諷刺，難怪香港人睇到笑笑口。《光明頂》嘅特色，仲要數嘉賓嘅多元，劉夢熊、倪匡、曾蔭權、周星馳、杜琪峯等等，粒粒巨星。點請得到，因為陶傑囉。
image source:
1. 森美（6958筆）
——你係阿希？
森美，商業電台王牌DJ，你又知唔知佢點樣成為電台DJ？佢喺2019年5月接受訪問，就講到佢細細個放學返屋企，就成日聽電台，慢慢就鍾意咗呢件事。仲勁爆嘅係，主要原因係因為森美當時失戀，為咗充實自我，決定去商台考做DJ，口才轉數咁快嘅佢，當然成功喇！森美咁多年電台節目大把趣事，其中最出名嘅，緊係「管家婆阿希表白事件」。成件事最搞笑嘅係，森美根本無諗到阿希係男仔，原來係同性相吸，令好多網民都話件事好神奇，周不時都俾人重提，已經成為月經Post喇！
image source:
分析說明：
本研究資料由《KEYPO大數據關鍵引擎》提供，分析時間範圍為2018年10月08日至2019年10月09日。
網路大數據系統觀測港澳地區上萬個網站頻道，包括新聞頻道、Facebook、Instagram及各大討論區、BLOG等，針對討論『港台商台二十大DJ』相關文本進行分析，並根據網友就該議題之討論，作為本分析依據。
本文分析之結果，非參考投票、民調、網路問卷等資料，名次僅代表網路討論熱度大小，不代表網友正負評價。