免簽約睇波煲劇　Now E電視盒率先試玩

四年一度嘅足球盛事就到，球迷們正盤算去邊買Pass睇，擁有今次賽事播映權的電訊盈科趁勢推出全新OTT服務「Now E」，一個收費就可睇勻64場世界盃直播賽事，兼觀看HBO、MOViE MOViE及Viu提供的數千小時電影劇集。今天有關方面就舉辦了一場記者會，讓傳媒率先試玩當中服務。

睇Now E最直接方法是透過專用程式，即時起可於App Store及Google Play下載，每位Now E用戶最多可登記五部裝置，並支援兩部裝置同時觀看。用戶也可把畫面經Airplay或Chromecast裝置投射到電視，又或購買由官方提供的Android TV電視盒，把內容經HDMI介面輸出至大電視欣賞。

這個Now E盒子由Foxconn於越南生產，採用白色外殼，流線型設計而且十分小巧。機背提供一組HDMI 2.0輸出及兩組HDMI 1.4輸入端子，並設有一組USB連接埠，方便接駁其他裝置。盒子本身對應Wi-Fi無線網絡，通過簡單設定就可隔空接收內容。現場試玩，介面採用大圖示設計，操作清晰易明，用遙控就可撥頁選按，而且畫面原生解像度已達全高清質素，睇波畫面相當流暢。

Now E即日起開通，提供日費、月費收費模式，也可斷季購買，而且毋須簽約，非常彈性。而優惠期內成功登記更可一個月免費收看娛樂組合。