古天樂早前連奪亞洲電影大獎及香港導演會年度大獎嘅最佳男主角,24小時內成為雙料影帝,風頭都可謂一時無兩。而除咗幕前演出,佢創立嘅「天下一電影」亦於影視博覽中公佈旗下多部製作中嘅電影,包括原班人馬翻拍嘅《尋秦記》、張家輝自導自演嘅《低壓糟》、姜皓民飾演變性人的《翠絲》等等。但要數到最搶眼嘅,就一定係古天樂、劉青雲、姜皓文等人主演,以未來香港為背景嘅科幻動作電影《明日戰記》。睇完近日公佈嘅先導預告,真係會令人大叫「香港終於有自己嘅(高質)科幻電影啦!」
《明日戰記》以2055年受到外星生物「潘朵拉」入侵嘅香港為背景,古天樂及劉青雲飾演嘅角色就要穿著重型裝甲對抗外星生物。預告中所見有各種大型運輸機、戰車出現,其中公路追逐及運輸機墜毀嘅畫面亦見到逼真CG,絕對係令人驚喜之作。電影耗資4億港元、用咗三年時間籌備,再用18個月後期製作。除咗三位主角,仲有張家輝、劉嘉玲兩位影帝影后級人馬。預計2019年上映,到時真係點都要入場支持下。
廣告(請繼續閱讀本文)
Maxboyz 自己十分喜歡科幻片,亦睇咗好多年荷里活的科幻片。一直覺得香港點解唔可以拍攝呢種題材呢?反正變形金鋼都有在香港取鏡,其他西方國家時不時將香港「摧毀」,大家又看得不知幾投入!
港產片已經太多警匪,槍戰或者愛情小品呢類電影,悶到我已經好耐無入戲院睇港產片。新題材我覺得觀眾絕對會支持!雖然劇情未知會唔會派膠,至少肯嘗試創新,跳出舊有港產片框架。今次自己香港自己救,我都好期待外星人點「撕裂」和破壞香港!港產片加油!
2018年03月21日18:41
人傑 似異空戰士?
2018年03月22日00:55
TYC 好想快d睇
2018年03月22日01:08
Eddie Au 完全支持
2018年03月22日00:59
Ⓚiwi❦冰冰*❅ 期待
2018年03月21日14:29
顯示全部