大家萬眾期待嘅《大帥哥》琴晚終於播出喇！網上嘅評論兩極，不過第一集張衛健由頭帶到尾，仲爆出唔少經典金句添！
一開場，張衛健飾演嘅狄奇就霸氣登場，仲連珠炮發讀出唔少金句添！包括有《齊天大聖》嘅經典對白：「型到跌渣！」
廣告（請繼續閱讀本文）
仲有《小寶與康熙》入面韋小寶嘅口頭禪：「涼風有信，秋月無邊。虧我思嬌情緒，好比度日如年，雖則我唔係玉樹臨風，瀟灑倜儻，但我有廣闊既胸襟，加強勁嘅臂彎。」
廣告（請繼續閱讀本文）
每拍一套戲都有金句嘅Dicky今次《大帥哥》都唔例外，爆出一句：「型到噴汁！」
而後段更有反轉，原來狄奇唔係大帥！佢係「假大帥」，負責引出想暗殺大帥嘅人。
廣告（請繼續閱讀本文）
對於隆重登場嘅《大帥哥》，觀眾反應兩極，有人認為套戲好悶，對白老土。
不過都有人認為節奏明快，夠緊湊。
雖然套戲評價兩極，但張衛健嘅表現，就受觀眾認同。佢咬火柴一幕，獲網民大讚！
大家又覺得點呢？
資料來源：香港討論區、連登討論區
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）