今時今日有唔少辦公室實行「彈性工作」時間，總之在辦公時間內做得完工作就不用OT。部份辦公室更實行每星期一天 work from home，可以安坐家中回電郵。你公司冇呢類安排？遲到一分鐘HR阿姐都發癲？須知道日日OT但又要準時返工其實不合人道，冇理由老闆的時間是金錢，員工的時間就是糞土，對嗎？今日開始，對你的上司說，不要再逼你OT，否則就要資助你減肥！
拒絕OT成功減肥原因1:不會太夜食飯
廣告（請繼續閱讀本文）
有朋友想實行「168斷食」，即是8小時內食2-3餐，至少16小時空腹。因為平時飲食分量不是每個人每日都用磅去秤，食多食少很難控制，一旦夜食（營養師認為6PM後食晚飯為之「夜」）再加大分量（咁辛苦OT不如來個火鍋放題？），肚腩及脂肪就會成為你的OT之友。
＊解救方法：帶備輕食在6pm時食晚餐，既然是被逼OT中，在座位吃個雞蛋也不犯規吧？
拒絕OT成功減肥原因2:不會皮質醇飆高
廣告（請繼續閱讀本文）
當一個人要OT，當然會希望盡快完成工作就即走。但是趕忙工作會飆高「壓力荷爾蒙」皮質醇，皮質醇長期偏高，會阻礙學習及記憶能力，愈OT愈蠢，是老闆害的！狂飲咖啡也沒有幫助，因為咖啡會將皮質醇再標升30%。萬一你喝的不是黑咖啡，而是加有糖漿及牛奶的 Latte，一杯至少300 kcal，多過一碗飯！
＊解救方法：冥想有助減低「壓力荷爾蒙」皮質醇。人在辦公室如何冥想？每日6pm後開個唸佛機與老闆一齊聽，勸他放下執念，明天的事明天做喇。
拒絕OT成功減肥原因3:不會久坐便秘
廣告（請繼續閱讀本文）
10個OL，10個有便秘煩惱。部份OL一定要每天早上飲奶茶，否則冇便便。為甚麼從未聽過外勤工作或地盤哥哥有便秘問題？因為OL久坐會導致腸道蠕動減少，大便留在腸道內時間過久，水分會流失，導致大便乾燥。加上OT時精神緊張，會令到腸胃功能紊亂。食菜也無幫助，因為大便乾燥加高纖維只會進一步塞住。