中環遮打花園「英美港盟、主權在民」集會,包括梁繼平、黃台仰均會透過視像發言,有份發起集會的連登「我要攬炒」在總結發言提到,對於年輕一輩而言,與其 2047 年默默死去,倒不如趁香港尚有一絲希望嘅情況下,用盡最後一口氣,創造未來。
「我要攬炒」又稱,「有年長一輩問,到底年輕一輩有無勇氣,將抗爭交畀傳統大台領導,我不禁反問,傳統思維一輩又有無勇氣,放棄 30 年來嘅模式,放手畀年輕人以新思維新方式改寫香港命運。」
他又指出,當年輕人日以繼夜,夜以繼日,以不同方式向政府施壓的同時,「但願我哋回過頭,會見到年長一輩企喺現場,默默支持我哋。年輕人需要嘅唔係金錢,唔係食物,而係活生生嘅人願意走出來支持。」
「我要攬炒」指出,今日邀請不同光譜、不同年齡的嘉賓,顯示無論香港情況多嚴峻,不會因政治理念不同而廢言,「由今日起,我哋唔應該再分勇武同和理非,出得嚟就係手足,係抗爭者,用核彈都唔會割。」
「我要攬炒」:如果有大台出現,我會全力摧毀佢
「我要攬炒」指出,與學界有共同信念,就是拒絕大台,「如果有大台出現,我會全力摧毀佢,假如有一日,我成為大台一部分,請大家一視同仁,將我拉落嚟,拆我台。只要拒絕迷信大台模式,唔割席,唔氣餒。善用國際思維,我哋一會贏。」
「我要攬炒」認為,當下香港人可能覺得疲倦、憤怒、氣餒,但不要放棄,因這是「光復香港,時代革命」之最後機會。他認為,這句話並非空洞口號,「光復香港」指的是,「光復香港嘅由自、人權、民主、資源自主同國際定位。」至於「時代革命」的意思是,「聲稱 50 年不變嘅時代之中,由香港人一齊由下至上撼動政權,改變政治體制。」
「我要攬炒」之所以自稱「攬炒」,是因為建制派賣港之後,高官及保皇黨就手執外國護照,一走了之,「所以,我要取消他們嘅外國護照重發權利,生生世世留在大灣區,共享大灣區榮耀。同佢哋攬炒。」
守護言論與新聞自由。立場新聞,寸步不退。
每月贊助支持立場新聞
kennymok 置諸死地而後生。。我要攬炒。最終目的。透過攬炒逼政府妥協。特赦被捕犯法者。。。。但如果政府堅持依法管治。咁被捕犯法者就成為。至豬後生葬身地
2019年08月17日17:43
W 你講明攬炒仲要長輩陪葬?你地嘅大台咪係連登囉,你地唔上連登自己行動我就信連登唔係大台嘞
2019年08月17日14:13
🕸滅絕師兄🕸 香港人可能覺得疲倦(緊係,見到D警察成日要對付呢班甲由)、憤怒(你地到處搞事打人)、氣餒(講極又唔聽),但不要放棄(唔好啦,怕左你喇),因這是「光復香港,時代革命」之最後機會(係味精神病丫?)
2019年08月17日13:57
monster 又一個笑話,叫佢哋偶像代言人何韻詩放棄加拿大藉先啦
2019年08月17日10:25
積仙氣露吓波 攬炒果位 匿埋喺邊?🙄
2019年08月17日09:52
顯示全部