無綫處境喜劇《愛•回家之開心速遞》播放三年以來，劇集收視一直高企，有份參演嘅演員大都因為角色出位而成功彈起！而最近火速冒起嘅就有飾演藍浩信一角、有「翻版王浩信」之稱嘅林俊其！
撰文、圖片：東方新地
林俊其首次演戲份較重角色
廣告（請繼續閱讀本文）
喺《愛•回家之開心速遞》中，林俊其飾演嘅藍浩信因為對Rebecca（沈可欣飾）呵護備至，令Rebecca春心動以為有新桃花，點知原來食詐胡藍浩信只當Rebecca係契媽咋！劇集播出後，唔少觀眾都驚嘆林俊其激似王浩信，甚至比王浩信嘅親生細佬王瑋彤更似王浩信咁話！
廣告（請繼續閱讀本文）
其實林俊其之前曾多次客串《開心速遞》，不過戲份唔多，大部分都係路人角色，例如客人、主持、遊客及保安等等。今次第8次客串終於成功彈起，有網友仲話希望佢成為常駐角色㖭！今次林俊其真係要多謝王浩信囉！
廣告（請繼續閱讀本文）
林俊其與真身王浩信曾多次合作
事實上林俊其早年飾演嘅，大部分都係冇對白嘅二打六角色，仲喺劇集《踩過界》中做過王浩信嘅替身，另於《兄弟》中出演王浩信（飾張非凡）嘅青年版，兩人於仍未播出嘅劇集《極道怪咖》及《踩過界2》亦有合作。
來重溫一下「藍浩信」的演出吧！