CONY早前主要為大家介紹新餐廳，而今次就搞搞新意思，為大家搜羅城中特別的飲食資訊，並為食肉獸們帶來兩大喜訊！首先是主打自家熟成牛扒的Porterhouse推出「Meat Me Tuesday」優惠，逢周二晚上，大家可於兩小時內任食精選肉扒和各款美食。而另一邊廂，法式扒房La Vache!將推出「Le dimanche a Paris周日早午餐」，嚐盡頂級肉眼扒及無限量供應薯條。CONY更貼心地身先士卒為大家試食，即睇報告啦喂！
逢周二晚任食狂歡
話說Porterhouse早前曾推出「Porterhouse Monday」優惠，每逢周一晚都可以任食靚牛，而今次延續新出的「Meat Me Tuesday」，除了改為逢周二外，更新增了羊扒、豬扒及烤雞等選擇，能滿足不同人需要。此外，餐廳又提供多款無限量供應的沙律、前菜和芝士，每位客人又可選擇一份配菜和甜品，或加$128起任飲雞尾酒、紅白餐酒、啤酒、氣泡酒或香檳等。
甫坐下餐廳會奉上一杯welcome drink。
還有麵包籃和沾醬蔬菜。
然後食客就可到Carving station自行挑選即切肉扒，每晚將會有3至4款選擇。
當晚有澳洲和牛beef skirt（側膜橫肌牛扒）。
和牛的肉味濃郁，而且纖維幼嫩，不會太稔又不會太韌，口感恰到好處。
Carving station的另一邊是自助沙律吧，有新鮮蔬菜，亦有多款意式冷盤，除可當開胃前菜，亦可供食肉獸調和味蕾。
每位客人可揀選一份配菜，選擇包括薯條、忌廉薯蓉、炒蘑菇及雜菜沙律。其中CONY首推忌廉薯蓉，口感超級幼滑，而且帶香濃的牛油味。
整體而言，CONY覺得優惠十分抵食，平時在Porterhosue食一塊靚扒都不只500元，現時卻可吃盡多款肉扒和各款前菜、配菜及甜品，選擇豐富，即使一大班朋友中有人不吃牛，都可以滿足到，絕對是聚餐的好去處。
「Meat Me Tuesday」
供應日期：即日起逢周二晚上（供應日期至另行通知為止）
時間：晚上6時至10時30分，首位客人入座起計2小時
收費：$528/位（另設加一）
地址：中環蘭桂坊德己立街30-36號加洲大廈7樓Porterhouse
電話：2522 6366
法式悠閒鋸扒
除了可以和朋友在平日晚上盡情放肆當個徹底的食肉獸，在周末的下午也可以如法國人般悠閒地嘆優質牛扒。法式扒房La Vache! 在尖沙咀店推出「Le dimanche à Paris 週日早午餐」，除可品嚐招牌「USDA Prime 頂級肉眼牛扒」及無限量供應的炸薯條外，更新增前菜和甜品，包括法式牛角包、芝士拼盤、甜品拼盤及任添飲品。為了營造歡樂氣氛，餐廳更會安排樂手現場演奏手風琴，客人可隨歌起舞，一起跳華爾茲。此外，店員更會演繹法國名曲，大家又可以邊食邊玩board game、card game等遊戲。
先奉上麵包籃，有法包和牛角包兩款，並附有新鮮自製的杏脯果醬、士多啤梨醬和牛油。
香脆核桃有機沙律採用來自法國的沙律菜，口感更加爽脆，配上芥末油醋汁微酸清新。
好快便來到戲肉──肉眼牛扒，它的肉味濃郁，而且纖維細緻，佐以的牛扒白汁亦香氣濃郁，又不會蓋過肉味。
店員會為你夾上牛扒及薯條。
薯條以牛脂炸成，因而特別香脆，教人吃個不停。未夠喉的話更可以隨時叫店員添加。
法國人最愛芝士，而今次的早午餐亦新增芝士拼盤，當中包括布里芝士（Brie）、康度芝士（Cantal），前者質感軟滑細緻，後者質地稍硬，更具鹹香。另外還有經過28日熟成的法國藍芝士（Fourme d'Ambert），芝士味道特別細膩。
大家記得要留肚食甜品！（右至左）杏仁金磚蛋糕、朱古力撻及布雷斯特泡芙都是法式傳統甜品，其中布雷斯特泡芙城中少見，中間夾著榛子焦糖忌廉，幼滑香甜，不會過膩。
提提大家，周日早午餐暫定每個月舉行一次，而且只限尖沙咀分店供應。周末想和情人或家人過個輕鬆寫意的下午，這裡絕對推薦。
「Le dimanche à Paris 週日早午餐」
供應日期：11月17日、12月15日及2020年1月12日
時間：中午12時至下午3時
收費：$488/位
地址：尖沙咀赫德道12號
電話：2666 6818
