香港民意研究所今日公布香港紀律部隊及駐港解放軍民望數字,顯示市民對警隊的滿意率淨值(滿意率減去不滿意率)為 -38%,較六月初調查急跌 60 個百分點,數字亦是 1997 年有紀錄以來新低。警察公共關係科高級警司(媒體聯絡及傳訊)江永祥在記者會上回應指,以該調查評定警隊表現「唔公平」。他又不認同,警隊誠信破產。
江永祥在記者會上稱,過去半年,香港警察對處理示威遊行的參與程度,在9個紀律部隊中最高,「好多時我哋喺冇選擇情況下需要處理唔同事件,唔可以有人違法時視而不見,翹埋雙手唔做嘢,相比起,用呢個調查去評論一個紀律部隊做得好唔好,我覺得唔公平。」
廣告(請繼續閱讀本文)
他又認為,多個國家城市向香港發旅遊警示,大型活動要取消,並非警隊責任,「如果將所有責任都推俾警方係唔公平,如果唔係暴徒出嚟做破壞嘅話,其實我哋唔需要做咁多嘢。」他續說,「如果話我哋誠信破產,我不盡認同。」
有記者問警隊會如何挽回警民信心,警察公共關係科總警司郭嘉銓表示,警隊會虛心接受基於事實的批評,面對過去六個月社會面對的衝擊,當中包括有對警隊的抹黑,充斥假消息和假新聞,警隊會透過記者會和社交網絡平台繼續澄清,將事實告訴市民,到社會較平靜時候,警隊亦會回復社區工作,包括去到不同區議會維持與區議員的溝通和合作。
守護言論與新聞自由。立場新聞,寸步不退。
每月贊助支持立場新聞
廣告(請繼續閱讀本文)
懷 係啦,民調反映巿民觀感咋嘛,梗係成立獨立調查委員會最公平啦
2019年12月06日11:36
灣仔強 其實無咩人會care 肛sir你認唔認同。
2019年12月06日11:00
😡 €Kenneth Yuen 一個淨係會講大話嘅object,有資格講認唔認同㗎咩?
2019年12月06日14:35
Miles 搵黑警同其他紀律部隊比較係唔公平,應該同其他黑社會字頭
2019年12月06日11:43
煩請香港警察,儘速將大媽歌舞團由屯門、尖沙咀、甚至中環清理乾淨。還給香港人下一代一個優質的國民教育環境。
2019年12月06日13:37
顯示全部