【搵食CONY】秋冬要進補　手腳冰冷、容易心煩氣燥食乜好？

人大咗，同friend出街食飯嘅話題離不開工作與養生，所謂「女人唔補好易老」，其實唔止老，一唔小心仲好易病，好似近排咁開始轉天氣，除咗無時無刻都要帶件褸出街，仲提醒CONY踏入秋冬又係時候要進補。

《黃帝內經》曰：「春夏養陽，秋冬養陰。」所謂「養陰」，意指秋風吹盡，萬物歸藏，寒氣容易入侵人體，所以要適當地進補，令體內陽氣提升，避免生病。不過進補前緊記要先了解自己體質，再選擇適合嘅食材入饌，唔係會適得其反。近日CONY就去咗帝京軒食咗一餐養生宴，除滿足了味蕾，仲認識到不同進補食材，即刻同大家分享。

氣血不足

特徵：手腳冰冷、容易疲乏、精神不振、怕冷和易出汗。

進補食材例子：牛肉、海參和黃鱔等具益氣血之效；紅棗、枸杞、桂圓和醋都能補血補氣；「四神」即指蓮子、土茯苓、淮山及芡實溫和平補。

陰虛陽亢

特徵：手足心熱、口燥咽乾、易頭痛、易失眠、煩躁

進補食材例子：薏米具健脾清熱、利濕之功效；白蘿蔔清熱解毒，幫助消化；豆腐中的石膏能起清熱瀉火、除煩、止渴之用； 毛豆味甘性平，能健脾寬中，潤燥消水及益氣。

帝京軒
地址：九龍太子道西193號帝京酒店3樓
電話：2622 6161