天氣時冷時熱，衣著上想正式轉季來迎接聖誕都幾難。不過「路不轉人轉」，換季唔一定要從衣著入手，簡單在眼、唇部分花上少少心思，從妝容出發都可以營造到秋冬感覺。為了令大家可以迅速變「妝」，CHOCO找來部分今季新眼影進行開箱試色，睇到啱心水再入手都未遲！
抓住2018紫色年的尾巴
廣告（請繼續閱讀本文）
繼續玩2018年大熱的Ultra violet（宇宙紫），YSL推出的Couture palette collection再次找到紫色的蹤影。然而品牌有特別花心思，紫色上加入微微的靛藍色，秋冬用讓人感到優美、療癒。入面亦配備一深一淺的啡色、藍黑色及用來打亮的白色，方便完成整個眼妝。
廣告（請繼續閱讀本文）
今季以電影女星為創作靈感的Giorgio Armani同樣有玩紫色，#7號的Eye Quattro選用了暗紫水晶色、蘭花紫色，同時配搭寶藍與淺啡，全部都加入了閃亮效果，令雙眼相當有神，亦適合聖誕開派對時使用。
廣告（請繼續閱讀本文）
CHOCO知道未必人人都喜愛一整盤眼影購買，怕用不著會浪費，innisfree緊隨潮流推出的單個裝眼影就大派用場。品牌推出了5款啞光及3款亮澤新色，全走暖色調來溫暖大家的秋冬。當中特別備有紫芒草、冷紫及鬱金香紫色，搽上手粉得來帶點灰，有《延禧》莫蘭迪色的感覺，令人賞心悅目。
經過一年的培養，CHOCO覺得紫色妝容都幾多變，除了優雅之外，亦充滿神秘感。如果嫌紫色用到有點生厭？其實今期亦流行另一種色調，本小姐聽日再同大家研究！
