張曦雯賺錢能力勁唔使靠男友傳取代馮盈盈成高層新寵

在新劇《踩過界 II 》再次擔正做女一的張曦雯（Kelly），日前出席活動時，被問到遭馮盈盈取代成為高層新寵的傳聞，她笑言女仔在這行賺錢能力都好犀利，無需要靠男人，又透露已在美國買了一個小型物業給父母收租，但香港物業價錢太貴，仲未買得起。

撰文、圖片：東方新地

張曦雯賺錢能力勁唔使靠男友

廣告（請繼續閱讀本文）

Kelly在活動中穿著火紅色的Tube Dress現身，她笑指男友雖然不是大富豪，但心中富有已足夠。

Kelly 在新劇《踩過界 II 》飾演大律師 Eva，一出場就扮盲妹接近王浩信。

Kelly指自己事業剛起步，唔拼搏可能就會失去機會，所以暫時不會計劃幾時結婚和生仔。

廣告（請繼續閱讀本文）

《木棘証人》早前已大結局，Kelly 指雖然一連兩套劇集都係做律師，但《木棘証人》中的港女Chris 性格和現實中的她較相似，但《踩過界 II 》中亦正亦邪的 Eva 卻更得她的歡心。

今年一連有兩套劇集擔正做女一，但 Kelly 話無信心攞視后，她直言：「可以入圍已經好開心，我從未試過入到最後五強，不論視后定我最喜愛女角色，如果今年入到最後五強，已經係大家對我嘅肯定。」

張曦雯賺錢能力勁唔使靠男友傳取代馮盈盈成高層新寵

廣告（請繼續閱讀本文）

張曦雯賺錢能力勁唔使靠男友傳取代馮盈盈成高層新寵

張曦雯醒你三招減肥秘技

在劇集《木棘証人》飾演高冷律師的張曦雯，堂堂華姐冠軍、又係公認神級美女、上得大堂亦都貼地親民，連廣大gamer都buy佢，完美如張曦雯(Kelly)都肥過？係！一啲都冇誇張！女神自爆天生高大、青春期又食得易吸收，十六、七歲時身高175cm、體重曾經高達147磅，又高又肥又大隻，女神話自己曾經好似巨人一樣行出街冇晒自信！Kelly話十幾歲人開始減肥，試過忍口唔食嘢、試過果汁斷食法、試過戒油又戒甜，結果瘦得唔多反而反彈更多。經過多年親身經歷不斷失敗不斷嘗試，終於搵到一套獨門秘訣練就一身完美身段，女神公開減肥秘訣，唔係唔跟呀？

顏值高、氣場強，高貴可以貼地亦得，邊個估到形象身段幾近完美嘅張曦雯都曾經肥過？

自爆青春期生得高大又擦得，張曦雯話147磅。

同每個肥妹仔一樣，為咗瘦、為咗靚，張曦雯都試過節食兼狂做運動，不過減唔到幾多仲會反彈。

仲有做運動做得正確，Kelly今時今日至有呢副引以為傲嘅完美body。

第一招：多菜少肉

試過咁多種飲食減磅方法，張曦雯話飲食均衡原來功效最高，蔬菜澱粉質都照樣食，不過份量不宜過多，如果呢餐肉食多咗，自動自覺就要減少澱粉質。

最緊要多菜少肉食得節制，盡量選擇健康同有機食物。

第二招：加工食品少掂

少掂啫，唔係全戒。Kelly話薯片、朱古力如果完全唔食，有時反而會報復性大量攝取，不如適當獎勵吓自己。不過工作關係少下廚，加工食品熱量多又唔健康，一旦有機會，都係盡量揀天然同有機食物放入肚。

經歷多年失敗經驗，終於搵到一套適合自己體質方法減肥同保持身段，張曦雯家陣拍埋其他索女身邊都充滿自信。

第三招：堅持做瑜伽

搵專業教練指導學做瑜伽，一旦習慣做瑜伽，姿勢正確持之以恒，就唔使下下做好耐，一日至少五分鐘已經足夠！

只要有恒心，Kelly話每日做五分鐘瑜伽已經足夠。