moon tang新歌有關房屋供應　華納幫你交足一年27萬租

華納歌手moon tang（鄧凱文）早前跟Gareth T湯令山分手，最近推出今年第二首廣東歌《房屋供應問題》，請來黃偉文填詞，用房屋去比喻一段關係。

為宣傳moon tang新歌《房屋供應問題》，華納唱片推出一個「幫你交一年租」企劃，只須3個簡單步驟，就有機會免租一年入住港島西營盤服務式住宅，moon tang都讚地方夠晒闊落。

moon tang拍片介紹「免租」單位：「共住又太擠？房屋供應問題？Hello大家好，我係moon，有鑑於好多情侶都會面對房屋供應嘅問題，今次我同華納音樂決定出手相助，幫大家交租一年，今次我哋聯同Weave Living送出免交租一年的Central West Corner Suite單位，價值27萬！呢個Service Apartment設備非常齊全，佢入面有酒店級加大雙人床、私人浴室、智能電視、雪櫃連冰箱，仲包水電Wi-Fi，共用健身室、working place同廚房。只要步行兩分鐘就到地鐵站，坐擁中西區景色，就算你有一屋球鞋，定還是一屋玩具，都一定裝得晒，加上駐場團隊服務，床單都幫你換埋呀！」