性價比高 鮮活海鮮烤肉店 即撈即炭烤🐚🔥[ 水貨之光•海鮮烤肉 ]
係香港出街食新鮮海鮮價錢貴，又擔心海鮮被調包。今次推薦深圳呢間鮮活海鮮烤肉店，新鮮海鮮🦀🦪🦐現場活捉現殺，只收取海鮮食材費，免收🚫加工費、免收🚫加一服務費。
店鋪近入口位置海鮮池放滿十多款生猛海鮮，包括松葉蟹、帝王蟹🦀、鮑魚、象拔蚌、蟶子、多款貝類🐚等等，俾食客即場挑選再磅重，明碼實價。食客可以望住👀店員係旁邊嘅明檔即劏及加工海鮮，確保海鮮唔會調包👍。
座位間每張枱都有炭爐🪵🔥，全程有專人烤熟海鮮及肉類，坐定定有得食✌🏻。
鮮活海鮮：
✿ 松葉蟹 ¥198/斤 🦀
揀選咗呢隻松葉蟹1.73斤重(約¥360)，非常生猛，有手臂咁長😳😳。可選香辣、炭烤或清蒸煮法。炭烤可以鎖住食材鮮味，松葉蟹肉細膩鮮甜，蟹膏裝滿整個蟹殼，以甲羅燒方法烤熟，蟹膏香氣十足，鹹度適中。
✿ 朝鮮貝 ¥128/斤
一斤約有兩大隻，加牛油🧈炭燒，貝肉厚實嫩滑，口感似帆立貝，鮮甜多汁無腥味。
✿ 鐵板蟶子 ¥68/份
蟶子每隻都好大條，加大蒜、黑椒粒再以炭爐烤熟。蟶子肉鮮甜爽滑，無沙無腥味。
✿ 九節蝦 ¥68/份 🦐
每份有8隻蝦，隻隻都大大隻超生猛，上枱時仲郁緊😳。蝦肉結實鮮甜，蝦頭夠多膏。
✿ 貓眼螺 ¥38/份 🐚
與蠑螺同類。貓眼螺起肉清洗乾淨後，放貝殼上加燒汁炭烤，螺肉非常爽口鮮甜。
✿ 乳山生蠔 ¥16/隻 🦪
蠔肉大大粒好肥美，炭烤後口感軟嫩多汁，入口即化，蠔味濃郁無腥味。
烤肉類：
✿ 大富牛排 ¥108/份 🐮🥩
大大塊牛扒以黑椒及醬汁醃味，肉味香濃多肉汁。
飲品：
✿ 鴨屎香檸檬茶 ¥18/杯 🍋🍹
鴨屎香茶葉香氣獨特，加埋新鮮檸檬嘅酸甜，清新解膩。
總結
店鋪海鮮食材新鮮，有專人為食客烤肉，更免收加工費、茶芥及加一服務費，性價比高。店內環境乾淨整潔，更有包房管家式服務，好適合一大班中意食海鮮嘅朋友。
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
水貨之光•海鮮烤肉
地址：深圳市福田區東園路28號御河堤花園南門東側（羅湖口岸地鐵9號線 紅嶺南站C出口）
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
▼Follow konglui.food 港女食好西
Instagram: https://www.instagram.com/konglui.food/
