廣告（請繼續閱讀本文）
貴為資深體育主持的鍾志光（鍾仔），訪問期間不忘感嘆新晉奧運主持很難累積經驗：「我當年經歷過好多直播，當時《球迷世界》有1年全部直播，做奧運、做世界盃又全部Live嘅，有啲同事唔係唔得，係佢哋冇機會做直播，有好多突發、執生嘢未接觸過，同埋（奧運）咁多體育項目、資訊咁多，無論台前幕後都好，都係4年做一次，我唔係為咗掩飾蝦碌咁講，係希望大家都明白。我哋只係4年做一次，根本係殺到埋嚟就食。」
鍾仔又慨嘆體育節目無論市場及資源，均日益萎縮，齋做體育主持比較難，願意入行的人亦日益減少、惡性循環，鍾仔說：「體育唔掙錢，因為轉播費太貴。冇得埋怨公司放棄或唔做體育，而係個市場咁樣，一個好實際問題，香港人係咪咁鍾意睇體育呢？𠵱家有氣勢，係因為有香港吖嘛，凌晨4點幾都睇喎，因為嗰個叫張家朗、江旻憓。」
他續說：「我覺得可惜，𠵱家已冇得講承傳，其實唔同時間都有啲好出色嘅年輕同事入嚟做體育，但𠵱家淨做體育節目會Under Show，同我哋當年唔同，當年做體育爆Show，有固定節目之餘，再有Extra奧運、亞運、世界盃。（最勁嗰年爆Show爆成點？）大約爆咗300個Show。」
廣告（請繼續閱讀本文）
（即時娛樂）