MIRROR成員李駿傑(Jeremy)新歌〈Villain〉MV上架，今次一改形象以惡棍造型出場，原來因為新歌叫大家以惡制惡。
廣告（請繼續閱讀本文）
Jeremy解釋今次以新形象現身MV：「今年推出嘅個人單曲〈唯美本尊〉同埋〈TOXIC!〉，都叫大家強壯自己嘅心靈，今次用上Villain惡棍嘅形象，係好想大家喺面對負面嘅事情嘅時候，會用惡棍嘅心態去面對：『你哋蝦蝦霸霸，我唔驚你哋㗎！』係咁樣去面對佢哋，令到自己開開心心，可以做到自己想做嘅嘢，然後enjoy自己生活，同時面對好多唔同嘅難題。」
而對於惡棍形象絕對有很多新嘗試：「 我今日好壞呀！今次造型比以前再多啲唔同感覺，第一次用headband，又有唔多正經嘅西裝，仲有格仔恤衫，都係有別於自己以前MV造型，喺造型上係有新嘅挑戰，同埋唱法上都想再有少少壞感覺，希望有啦！〈Villain〉係會喺MATCHICAL呢個show首次獻唱，首歌咁colourful，同個show都好夾，相信到時會有唔同嘅色彩出到嚟，好期待到時唱俾大家聽。」
至於講到日常生活中甚麼時候最壞，Jeremy說：「我平時冇乜壞嘅moment，化妝之後最壞，因為要做嘅表演都好壞，所以化妝後係最壞嘅。」
廣告（請繼續閱讀本文）
廣告（請繼續閱讀本文）