張致恒太太貼舊照分享3年婚姻感受：只要你唔放棄，冇人會放棄你

張致恒（Steven）與太太區燕雯（雯雯）結婚三年，兩人育有三名孩子，婚後關係時好時壞，更不時傳出經濟問題，二人曾經鬧離婚，後來箍煲成功。近日網上流傳Steven在內地唱歌走音的短片，他事後自嘲唱得難聽，雯雯就表示支持：「張致恒只要你堅持唔放棄 ，冇人會放棄你。」

Steven跟雯雯於2019年9月2日登記結婚，結婚至今三年，今日雯雯在社交網上載十多年前以Steven粉絲身份跟偶像的合照，寫道：「三年婚姻，有開心、 有傷心、 有失望， 亦有想過放棄。但係見到一個大細路，一日一日嘅轉變，為咗家庭願意作出改變，嘗試一啲從來未試過嘅生活。」

雯雯表示，老公Steven為了維持家計，得知對方辛苦。「願意日日30幾度企喺廚房走來走去，甚至洗碗洗廁所做清潔，一概都唔介意。每日放工返到屋企，依然繼續照顧小朋友、做家務，每晚氹個仔氹到5:00瞓覺，第二日八點起身返工，都依然每日堅持繼續。」

雯雯又指，雖然生活依然未能平穩，但相信只要一家人不放棄，日子一定會過到。「呢一年你喺香港，返工放工，陪小朋友踩下單車玩吓，知道你依然好掛住唱歌，我相信總有一日，一定會再有機會表演俾屋企四個粉絲睇。」最後她又為老公打氣：「張致恒只要你堅持唔放棄，冇人會放棄你。你唔需要人去睇好你，人哋要睇死你，你繼續堅持做好你自己就足夠。」