廣告（請繼續閱讀本文）
廣告（請繼續閱讀本文）
廣告（請繼續閱讀本文）
藝人高海寧(高Ling)這幾年事業運相當不俗，忙到冇停手，劇接劇之餘，更獲得不少獎項肯定。高Ling現時於內地拍攝無綫新劇《夫妻的博弈》，日前節日都要開工，不過回顧上年，她接受東網訪問時開心謂：「覺得今年係好豐盛、收穫好多嘅一年，拍咗好多劇集，亦得到獎項上嘅鼓勵，我攞到3個唔同嘅『女配角』獎，好開心，希望嚟緊拍嘅嘢都可以獲得觀眾嘅支持，角色引起大家共鳴，憑住其他作品有代表作。」
高Ling即將亦要為《新聞女王2》開拍，而她與馬國明主演的賀歲電影亦將上映，她從心笑出的謂：「我希望2025年事業運一樣咁好，可以繼續接受唔同工作及挑戰，好多工作安排緊，相當感恩，自己會努力做好每一件事。」問她來年有甚麼想做時，她笑謂：「我真係連續忙咗年幾冇停，嚟緊真係希望可以有時間同家人去旅行，亦都好想返南京探婆婆，不過都唔會放得好耐，因為都排咗好多工作，我亦都好想見吓啲朋友，今年我所有節日都冇慶祝，倒數嗰晚就瞓覺，所以好想同佢哋見面傾吓偈，如果唔係我怕會冇晒啲朋友。」
東網網站 : https://on.cc/東網Facebook專頁 : https://www.facebook.com/onccnews/