「新咪神」鄧凱文收埋「胸器」　出動白滑美腿吸睛迎聖誕

藝人鄧凱文身材有料，更被封為無綫「新咪神」，經常於社交網送驚喜的她，在社交網PO出多張悉心打扮兼甚有聖誕氣氛的靚相，她分別穿了兩條不同質料及剪裁的鮮紅色長裙，今次不晒胸器，反而玩高貴露美腿，一樣煞食，靚到爆燈。

鄧凱文接受東網訪問時說：「因為想影輯相嚟慶祝聖誕！我自己都好少着紅色禮服裙，想影輯相留為紀念。」問到今年聖誕甚樣度過時，她說：「今年要喺工作中度過，呢排我都好努力做運動，因為冬天好難唔食澱粉質，感覺上最近都食多咗，所以要靠運動減肥。依家自己都有開始學唱歌同學車，希望有進步地迎接2025，開個靚頭。」

此外，說到難忘的聖誕節，於英國讀書的她曾試過聖誕節一個人去旅行，她說：「英國多數嘅人喺呢個節日都會返屋企同家人歡度，我當時為咗慳錢，冇諗住返香港，所以自己去咗北部愛丁堡旅行，嗰次係我自己一個去餐廳食飯，一個人周圍行街、睇戲同行山，（有冇艷遇？）冇喎！因為聖誕節個個都係一對對咁出街，但食飯時就撞到一個朋友同佢另一半食燭光晚餐，可能佢哋見我好孤單，所以過咗嚟同我傾咗陣。」

東網網站 : https://on.cc/東網Facebook專頁 : https://www.facebook.com/onccnews/