許廷鏗昨晚（12日）以評審身分出席《埋班作樂III音樂會》時，表示已聽過逾千參賽者的歌曲，很有興趣與一班新晉音樂人交流合作。他表示之前兩屆的一些參賽者已成為其固定音樂班底，未來更有機會簽新人。許廷鏗說︰「如果有人睇得起我間公司，想做我旗下藝人，我唔抗拒，但自問未必適合做經理人，一齊合作一齊玩仲開心，幫佢哋發行作品，期待樂壇頒獎禮出現更多新面孔。」
談到其身形較之前清減，許廷鏗稱最近愛上打匹克球（Pickleball）︰「呢個運動結合壁球、網球同乒乓球，可以雙打，好刺激，流好多汗。我望落可能瘦咗啲，實際體重輕幾多就冇磅過。」他被問到可有邀好友鄭欣宜一齊玩時，透露欣宜身在香港，兩人有見面，欣宜多數找他打麻將。許廷鏗說︰「佢狀態幾好。我之前話佢有大Project搞緊，係音樂類型嘅嘢。我都唔知佢幾時有新音樂作品，但知道佢有諗法。我都等緊佢出嚟﹗」同場的雲浩影（Cloud）預告明年初推出新專輯，目前正積極儲歌，希望可以舉行個人演唱會。
廣告（請繼續閱讀本文）
（即時娛樂）