蟹膏極鮮甜水晶蟹！鮮嫩廣島蠔🦞龍蝦海鮮精華粥底｜天后｜虎嘯日式蒸氣海鮮刺身專門店

話說大家可能都認得，呢間應該全港唯一嘅日式蒸氣海鮮，專門主打稀有海鮮，今次就新出極罕見嘅水晶蟹，無論本身嘅產量，定係香港市面都超少見。

而且呢間都仲係咁預約困難，最近甚至可能要預早一個月，先book到想要嘅日子，閒日好彩就應該會易啲，聽講黎緊仲會開海景分店，到時多啲位就易啲食到了。

-
🦀罕有水晶蟹海鮮蒸氣刺身套餐 ($798)
全Set一共22品，食齊刺身、水晶蟹、巨型帶子、鮑魚、海螺、石特魚、白鱔、海蝦，仲有唔少嘢食，計返性價比真係高，完全係海鮮控嘅天堂。

🦞罕有法國藍龍蝦海鮮蒸氣刺身套餐 ($598)
平時仲有個法國藍龍蝦Set，都係以上嘅海鮮，分別只係水晶蟹轉咗做藍龍蝦，價錢就更加入門抵食，之前都有介紹過，超多網友食完都大讚。

🔸餐前小食
🔸刺身頭盤
🥢花龍蝦刺身、象拔蚌、油甘魚、北海道帶子、銀鱈魚、洒漬赤蝦、北寄貝
超豐富嘅刺身拼盤，花龍蝦除咗做刺身，龍蝦頭會放埋入雜炊粥底到，熬到更加鮮甜，而其他刺身例如醬油漬赤蝦都超正。

🔸水晶蟹 (每位半隻)
極罕有嘅水晶蟹，甚至有人話係全世界最鮮甜嘅蟹，而重點一定係啲蟹膏，真係前所未有嘅鮮甜，而且蒸出黎肉汁豐富，肉質鮮嫩，係一試難忘嘅level。

🔸蘇格蘭刺身帶子
超大粒嘅刺身級帶子，特意蒸到半熟，內裡仍然非常鮮嫩，用上海草同西京麵豉調味，特別鮮甜。

-
🔸原隻連殼廣島蠔
🔸時令海螺
🔸一夜干石特魚
🔸山椒醬油配白鱔
🔸時令海蝦 (當日 - 海花蝦)
即日買返黎嘅新鮮海蝦海螺，仲有超鮮嫩嘅原隻廣島蠔，而且主要都係日式做法調味，例如一夜干同山椒醬油咁，出邊蒸氣海鮮真係冇。

🔸日式京葱醬油配本地地雞
用上新鮮本地地雞，肉香肥美之餘，師傅特製用油脂鎖緊肉汁，配上日式京蔥醬油，而雞油滲埋落粥底超正。

-
🔸每天手打鮮製蝦滑
🔸每天手打鮮製墨魚滑
🔸櫻花蝦芝士烏冬
除咗超彈牙手打鮮製滑，仲有一向極受歡迎嘅芝士烏冬，啖啖芝士超濃香邪惡。

🔸新鮮野菜盛合
🔸龍蝦海鮮精華日式雜炊
上邊全部海鮮精華滴哂落去，特別係水晶蟹嘅膏同肉汁，仲有花龍蝦頭一同熬製，啖啖鮮甜。

🔸日式甜品 - 芝士蛋糕
原來呢到仲有甜品畫碟同蠟燭，真係唔少人生日慶祝黎，配埋件日本芝士蛋糕，慶祝生日啱哂。

🍹自家製洛神花茶 (另叫)
而且洛神花茶係佢地自家煲製，酸酸甜甜超開胃，飲得出係足料熬製，連粒冰都係超有型嘅龍蝦造型。

-
虎嘯日式蒸氣海鮮刺身專門店 @koshuo.hk
🗺️天后電氣道54號亨環天后5樓
📞2887 1028
❇️留意呢隻水晶蟹真係新鮮游水，記得要預早一日訂位講明，聽講做埋最後4月。

▼Follow foodiegogoooo
Instagram: https://www.instagram.com/foodiegogoooo/