波波黃婧靈自封TVB智慧波 三圍數字成謎要保留私隱

擁有豐滿身材的「波波」黃婧靈，去年4月簽約做TVB親生女，早前與Ben Sir歐陽偉豪一同主持J2節目《冇人性教育》，因言論大膽及夠投入，被封新一代「性女」。

昨日波波在IG限時動態與網民互動，大玩近期流行的「NGL.LINK」（匿名問答），當中有網民問她為何經常要賣胸？波波大方回應，還反客為主說：「都要有先賣到，同埋我想講好耐，我賣點係腦，出名TVB智慧波。或者大家可以多啲留意吓我個頭骨，我呢一款頭骨係搵到錢淨到錢嘅頭骨。」

波波自言自己有腦之外，還好勤力，在半工讀的情況下，早前終於大學畢業：「我讀asso個陣係唔訓教（瞓覺），因為想訓（瞓）嘅時候已經要返工。但係我咁講我一定係最勤力嘅學生」。對於擇偶條件，波波希望另一半當她是寵物般愛錫：「專一錫我，買嘢食俾我，陪我玩，幫我諗嘢，希望佢會當我係小狗咁樣」。

而波波的身材一直是大眾焦點，網民當然沒有放過機會，她列出大量關於她的三圍及上圍Cup數，但波波就拒絕回應，自言是自己的小小私隱：「答了n次，大家依然會問的問題。我知道媒體有提及過，但其實我本人從來無透露過，留返小小私隱。」

星島新聞集團慶回歸25周年專題網站，請即瀏覽

立即下載 | 全新《星島頭條》APP : https://bit.ly/3yLrgYZ