鄧炳強透露因警匪片《獵鷹》加入警隊 稱「從無刻意諗升職」

【獨媒報導】曾言自己不懂做警察，靠看成龍和方中信電影「睇吓睇吓就識做」的保安局局長鄧炳強，近日出席一個活動時，透露自己加入警隊的原因，是因為劉德華成名電視劇《獵鷹》。劉德華在劇中為中大社工系學生，畢業後投考見習督察，鄧炳強自言「跟咗佢條路」。

《獵鷹》是1982年無綫劇集，講述劉德華充滿理想加入警隊，見盡警隊雖有盡忠職守之輩，但也有害群之馬。後來劉德華成為卧底，最終成功緝捕毒梟。

鄧炳強的官方 Facebook 專頁今日上載一段短片，節錄他前日（2日）出席「香港青年發展平台全接觸暨穗港青年交流促進會理事會」就職活動的發言。他指「其實我不嬲都鍾意做警察，可能同好多男孩子一樣」，又指在1982年，即他17歲的時候，有一套 TVB 劇集《獵鷹》，由劉德華擔正做主角，「咁好鬼靚仔啦劉德華」。他指劉德華在劇中從中大社工系畢業後任職見習督察，台下傳出一片嘩聲和笑聲，鄧炳強說：「咁所以我跟咗佢條路，去中大讀社工，之後就做幫辦。」

透露女兒快將結婚 珍惜相處時光

短片又輯錄他與女兒的相處之道，鄧炳強表示曾前往法國兩年，女兒與他同行，「因為我太太唔係成日喺嗰度，所以要每日煮嘢畀佢食，要車佢返學放學」。鄧炳強說女兒最初肯食他煮的食物，後來提議「我都係食沙律算」。他說感激在法國的兩年「每日見住佢咁濟」，見證女兒成長。他又透露女兒現時拍拖快將結婚，珍惜與對方見面「飲餐茶、飲咖啡」的機會。

翻查資料，鄧炳強在2006年至2008年調往法國里昂國際刑警組織秘書處，任內升爲國際刑警有組織犯罪及暴力罪案組主管。

鄧炳強又稱自己做警察，「我從來無諗過做警務處長，做個警司好威啦嘛已經，我從來無刻意諗過點樣去升」，「當你唔諗呢啲，人哋就覺得『咦，呢個抵諗喎』」，反而機會會更多。他又說當只追求自己利益，「往往係得唔到嘅」，當不去追求，「嗰啲嘢就慢慢嚟搵你」。

版權: 禁止衍生