鄧炳強：有人藉紀念烏魯木齊火災危害國安 屬「再次顏色革命雛形」

【獨媒報導】新疆烏魯木齊大火引發院校內有人以紀念新疆烏魯木齊火災事件為名，試圖煽動針對中央的活動，形容為「再次顏色革命雛形」：「佢哋用相同嘅道具，呢啲人下一步嘅嘢就係會出一啲抗爭手冊，會作一啲主題曲，會製造大量假新聞假消息抹黑中央、抹黑政府，抹黑執法人員，遲啲就會佔領街頭，用暴力掟汽油彈，再次蹂躪我哋嘅大學校園。遲啲呢就會有大型嘅暴動，令到社會一片混亂。」

鄧炳強指有統一道具 、「黑暴」積極份子參與其中

本港大專院校內及街頭，連日均有學生聲援內地行動，鄧炳強在出席立法會會議後見記者，指有人刻意尋找社會矛盾事件，然後煽動、分化及組織他人上街，並以大專院校為基地。「佢哋用嘅都係一啲統一嘅道具，一啲喺2019年『黑暴』出現過嘅積極份子呢，亦都係有參與其中，呢個唔係偶然㗎，係有高度組織性。」

鄧炳強稱，在網上發現有人號召活動，包括在不同的社交平台、尤其反華為主的平台策動，「有啲人係死心不息，成日想危害我哋國家安全同香港安全，就正正係我哋宜家講嘅情況。」他又斥有人在線上「叫人衝，自己鬆」，再三強調執法部門會嚴正執法，「係唔會有僥倖㗎」，並警告另有圖謀人士：「你亦都唔會得逞，無論你喺線上線下，我哋都有辦法獲取證據，將你揪出嚟，將你送上法庭。」

鄧炳強表示，如果不希望香港重回2019年混亂不堪的狀態，便應防範於未然。他稱本港剛從疫情中復常，「我係無可能畀呢啲危害香港同埋國家嘅事情，繼續喺度傷害我哋心愛嘅香港同國家，宜家情況係好嚴重，我希望大家都有一個維護國家安全嘅責任。」他指本港目前已有不穩定徵兆，「唔通等汽油彈掟咗，等大學站燒咗先出嚟做呀？呢個無可能嘅。」

籲年輕人勿遭利用 大專管理層有責任防止淪「黑暴」基地

他又籲年輕人勿被利用，「我哋好多人，特別係年輕人係好愛國，好有理想嘅，但係千祈唔好畀人哋煽動咗你出嚟做一啲危害國家安全或者香港安全嘅事情」，指不少年輕人在2019年反修例事件中入獄，最高達七年，「人哋就攞政治紅利，你就同人埋單。」

鄧炳強又指大專院校管理層有責任防止校園再次淪為「黑暴」基地：「我相信中文大學個火車站爛晒，校園校巴畀人燒，入面嗰啲化學品俾人攞晒出嚟變成兵工廠，理工大學頹垣敗瓦，呢啲事情大家都唔想再見到。學生們，年輕人們，我希望你哋唔好再受人唆擺煽動，煽動你嘅人可能已經唔喺香港，佢哋喺外國享受緊出賣香港，同埋出賣國家而得到一啲嘅政治紅利呀！而你哋就要面對可能係被拘捕，同埋判刑嘅風險。」

舉白紙觸犯國安法？鄧炳強：視乎個別情況

記者問到，本港市民舉白紙聲援內地示威，會否觸犯《國安法》或煽動罪。記者亦提到參與行動的大部分為在港讀書的內地生：「點解會係你所講2019年嘅積極份子參與？或者示威會重臨，點解會有呢個講法嘅？」

鄧炳強稱要視乎個別情況，但斥有人表示：「你無事嘅，你舉張紙啫，你出嚟搞嘢啦，你無事嘅，嗰啲人就係氹你，刻意淡化嗰啲事情呀，千祈唔好聽佢講呀！」他稱該些人士背後圖謀是顛覆國家政權，並指如紙張上寫上「濫權」、「領袖下台」、「獨裁」及「革命」等，全皆有機會違反《港區國安法》。

強調內地學生、傳媒一視同仁 鄧炳強重申防患於未然

有網民質疑，有內地生周一在中大校園內參與聲援行動，警方卻未有執法。鄧炳強便表示，對內地學生及傳媒一視同仁，強調「法律面前，人人平等」：「你犯法就要付上法律後果！」

內地至今未正式就事件表態

內地政府至今未就國內罕有出現的示威明確表態，不過有內媒引述中央政法委書記陳文清周一（28日）主持及召開全體會議，強調要堅決打擊敵對勢力滲透破壞活動。會議同強調要堅決維護國家安全和社會穩定，要及時疏導化解矛盾糾紛，幫助解決民眾實際困難，堅決依法打擊敵對勢力滲透破壞活動和擾亂社會秩序的違法犯罪行為，切實維護社會大局穩定。

外交部昨日（11月29日）的記者會上，路透社記者問到當局如何應對國內因不滿封控而爆發的示威行動，以及會在甚麼時候叫停動態清零的政策。發言人趙立堅在停頓約20秒後要求對方重複問題。他再次停頓近20秒，最後只表示有關情況與事實不符，中方會一貫跟隨動態清零的方針。

版權: 禁止衍生