愛‧回家之開心速遞演員來頭不少 有人憑魔術同田徑揚威國際鄧永健
鄧永健曾經與林盛斌同期考DJ訓練班，不過在訓練中途突然離開，轉考入TVB第20期藝員訓練班。
做IT狗入型入格！
鄧永健入行前曾經在主題樂園做過4年小丑藝人，懂得化小丑妝、變魔術哄小朋友開心。
多得《愛回家》，有一段鄧永健變小朋友偶像，接商場親子慈善活動時，有很多小朋友要求合照。
化妝絕對沒有難度！
鄧永健在2012年開始兼任自由身配音員。
同無知May好登對！
同Peter又係好兄弟。
萬聖節冇理由唔出手！
食屎陳師奶
食屎陳師奶喺劇中係一個貪小便宜嘅人！
食屎陳師奶真名叫孫慧蓮（Helen），鏡頭之外的她溫文爾雅，入行前的職業是教書，學生們都叫她做孫主任，退休後做演員，原來當藝人是她自小的夢想。
真係好好戲！
孫慧蓮在1996年由港台電視部開始參與拍攝工作，23年來演活很多小人物。
維肖維妙！
同根叔係歡喜冤家！
連羅家英都係佢嘅學生。
孫慧蓮指她入行教書時年僅21歲，當時家英哥是五年級學生，當時家英哥係好頑皮但係好純品。
招浩明
招浩明（右）曾就讀喇沙書院，中二時隨家人移居美國升讀高中，其後於加州州立大學長堤分校修讀商業及財務管理學系，本身熱愛魔術的他更於美國參加過不少大型魔術比賽。
贏過唔少獎項！
招浩明本來在2012年投考過第26期TVB藝員訓練班，但失敗而回！
之後去咗國泰港龍航空當了兩年多空中服務員，於2015年再考第28期TVB藝員訓練班，畢業後加入TVB做下藝人。
爭謝嘉怡！
相處好開心！
喺《全城一叮》大顯身手，招浩明話學魔術最緊要係耐性，好多技巧上嘅嘢要用好長時間去練習，唔係幾個鐘嘅事，講緊嘅係以月計以年計，而且練魔術對小朋友發展都好好，可以練到表達能力同埋創意。
表現好突出！
崔錦棠
崔錦棠的運動細胞很強，曾於1986至1987年加入足球隊，又在1986年開始加入田徑隊，更於1988年參加全港青少年三項鐵人錦標賽。
多次代表香港出征比賽。
咪睇崔錦棠（右）個樣好搞笑，其實佢係運動健將！
因為運動員向來收入不高，崔錦棠結咗婚之後為養家棄追夢，於1994年加入有線電視任職體育記者，採訪各項國際大型體壇盛事。
曾經苦戀熊若水！
到了2013年，崔錦棠轉投無線繼續做體育節目主持，並於2015年開始拍劇，發展其演藝事業。
崔錦棠在訪問上表示，當年與運動結緣，主要是在1983年看了劉德華參演的劇集《奔向太陽》後，由此對田徑有興趣。
早前因為新劇《大步走》後，他考獲田徑教練證書。
陳勉良
陳勉良於1976年已擔任臨時演員，主力演道友及保安的角色，他的真實身分是位國畫高手！
舉辦過畫展！
陳勉良年輕時曾跟隨畫家何百里習畫。
《愛·回家之開心速遞》中飾演大廈保安員「昌叔」為人認識。
真正高手！
擅長繪畫山水畫的陳勉良，飾演古裝劇外，亦會任電影、劇集的藝術替手，包括《金裝四大才子》、電影《金枝玉葉》等。
米雪都有跟陳勉良學畫畫！
在TVB處境劇《愛．回家之開心速遞》中飾演「戇直得嚟」又帶點可愛的龍力王Terry的李偉健，近日被委派重任，日前在電視城舉行節目巡禮上，特別設計了兩幅超巨型「TVB 經典人物漫畫牆」，將歷年55個TVB經典角色及綜藝主持人物變成卡通漫畫！原來Terry未入行前已經是一位漫畫家，曾替兒童雜誌《Co-Co》連載漫畫，之後更推出過漫畫《娛圈愛回帶》及《娛圈愛回帶之再回帶》，果然多才多藝！不過咪睇《愛回家》嘅劇情好似輕輕鬆鬆陪你半粒鐘，事實上，好演員本身自有一技之長，而且來頭仲好勁！
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
